मुक्त हलिया खाद्य अधिकार समुह द्धारा बुढीनन्दा नगरपालिमा ज्ञापन पत्र पेश

बााजुरा :- सर्मिला रोकाया/
बाजुराको बुढीनन्दा नगरपालिका वडा नं एक पिपलडालीका मुक्त हलिया खाद्य अधिकार समुहले ज्ञापन पत्र बुझाएका छन । बुढीनन्दा नगरपालिकामा ४ वटा माग सहितको ज्ञापन पत्र बझाएको पिपलडाली मुक्त हलिया खाद्य अधिकार समुहका प्रमोट मनविर विकले जानकारी दिनुभएको छ ।

गत कार्तिक १ गते देखि ४ गते सम्म आएको बैमौषमी वर्षाले वडा नं एकका ४५ हलिया घरपरिवारको बगर नजिक रहेको जग्गा जमिन बगाएकोले केही राहतको व्यवस्था गरि दिन, आर्थिक अवस्था कमजोर रहेका मुक्त हलिया परिवारका बालबालिकाका लागि पठन पाठन तथा उच्च शिक्षा हासिल गर्न कठिनाई भएकाले निशुल्क शिक्षा र स्कलर सिपको व्यवस्थापन गरि दिन लगायतका माग राख्दै पिपलडाली मुक्त हलिया खाद्य अधिकार समुहका प्रमोट विक र सदस्य हिक्मत ओडले हस्ताक्षर गरेको ज्ञापन पत्रमा उल्लेख गरेको छ ।

त्यस्तै हलिया महिलाहरुले काम धेरै गर्नु पर्ने भए पनि उचित पोषण खानेकुराको व्यवस्थापन नभएकाले स्वास्थ्य अवस्था कमजोर भएका उनीहरुलाई निशुल्क औषधी उपचार गरिनु पर्ने र प्रमाणिकरणमा नपरेका वास्तविक छुट मुक्त हलियालाई प्रमाणिकरण गरी तत्काल पुर्नस्थापना गर्नु पर्ने लगाएका माग राख्दै ज्ञापन पत्र बुझाएको छ । यता नगरपालिकाले भने ज्ञापन पत्र बुझ्दै आवश्यक सहयोग गर्ने जनाएको छ ।