तेस्रो छेडेदह कप फुटवल प्रतियोगिताका खेलहरु भोलीबाट संचालन हुने

बाजुरा १ कार्तिक:- जिल्लाको खप्तड छेडेदह गाउँपालिकाको आटिचौर स्थित दशरथ माविको खेल मैदानमा हुने तेस्रो क्षेडेदह कप फुटवल प्रतियोगिताका पहिलो चरणका खेलहरु भोलीबाट संचालन गरिने भएका छन् ।

आज औपचारिक रुपमा प्रतियोगिताको एक कार्यक्रमकाविच उद्धघाटन् गरिएको छ । प्रतियोगिताको एक औपचारिक कार्यक्रमका विच पूर्व संविधान सभा सदस्य महाँ नेपालीले उद्धघाटन् गरेका छन् । प्रतिकुल मौसमका कारण प्रतियोगिताको समुद्घाटन समारोहमा प्रभाव भए पनि भोलीबाट पहिलो चरणका खेलहरु नियमित संचालन गरिने खेल संयोजक तथा संरक्षक कृष्ण ओलीले बताएका छन्।

जिल्ला भरिकै सवै भन्दा आकर्षक पुरस्कार राशी सहित आयोजना गरिएको तेस्रो छेडेदह कप फुटवल प्रतियोगितामा जिल्ला भित्र र बाहिर गरि २२ वटा टिम दर्ता भएको खेल संयोजक तथा संरक्षक ओलीले बताएका छन् ।

बाजुरालाई फुटबलका माध्यमबाट राष्ट्रव्यापी रुपमा परिचित गराई राष्ट्रिय एकतालाई खेल मार्फत मजवुत बनाउने उद्देश्यका साथ बाजुराको छेडेदह गाउँपालिकामा छेडेदह तेस्रो खुला फुटबल प्रतियोगिताको आयोजना गरिएको हो ।

हरेक वर्षको दशैं तिहार विशेष खेल पर्व, खेल क्षेत्रको विकास र प्रर्वद्धन हाम्रो गौरभ भन्ने मुल नाराका साथ छेडेदह स्पोर्टस् क्लवले प्रत्येक वर्ष फुटवल प्रतियोगिताको आयोजना गर्दे आईरहेको छ । कार्तिक १-देखि ६ गतेसम्म फुटबल प्रतियोगिता संचालन हुने आयोजकले बताएको छ ।

विगत ३ वर्ष देखि दशैं र तिहारको विचमा छेडेदह गाउँपालिकामा फुटवल प्रतियोगिता आयोजना गर्दै आएको क्लवले यस वर्ष पनि निरन्तरता दिएको हो । खेल मार्फत बाजुराको पर्यटन विकासमा टेवा पगाउने, खेल क्षेत्रमा नव प्रतिभाहरुलाई राष्ट्रिय तथा अन्तराष्ट्रिय स्तरका खेलाडीको पहिचान सहित खेलकुदको बिकास तथा खेलाडी उपादनका लागि प्रतियोगिताको आयोजना गर्दै आएको आयोजकले बताएको छ।

तेस्रो छेडेदह कप फुटवल प्रतियोगिताको बिजेताले नगद रु २,२२,२२२ र उप(बिजेताले १,११,१११ हजार सहित ट्रफी, मेडल र प्रमाण पत्र प्राप्त गर्ने भएका छन । यस्तै प्रतियोगितामा उत्कृष्ट बिभिन्न बिद्यामा समेत आकर्षक पुरस्कारको ब्यवस्था गरिएको क्लवले जनाएको छ ।