बाजुराको फालासैनमा आइतबार बाट सुरु भएको देउडा प्रतियोगिता कडा प्रतिशपर्धाका साथ आज सम्पन्न

बाजुरा :- जिल्लाको बुढिगंगा नगरपालिका वडा नं. ६ फालासैनमा बडा दशै तथा दिपावलीको अवसरमा आयोजित देउडा प्रतियोगीता सम्पन्न भएको छ । लोक तथा स्थानिय कला सँस्कृतिको जर्गेना गर्ने उद्देश्यका साथ हिन्दुहरुको महान पर्व वडा दशै तथा दिपावलीको अवसरमा आयोजित देउडा प्रतियोगिता सोमबार साझ शुभकामना आदान प्रदान कार्यक्रम सँगै समापन गरिएको छ ।

बुढिगंगा नगरपालिका वडा नं. ६ फालासैन बासि प्रकाश बहादुर सार्की , देब ब. थापा,नवराज थापा, चन्द्रप्रकाश जोशि , हेमन्त कुमार पाध्याय , दिपक बहादुर थापा, मान बहदुर बोहरा चक्र बहादुर थापा , केशब बहादुर थापा लगात ब्यक्तिहरुले देउडा ब्यबस्थापन समिति गठन गरि बडा दशै तथा शुभ दिपावलीको पावन अबसरमा देउडा गित प्रतियोगीता सहित शुभकामना आदान प्रदान कार्यक्रमको आयोजना गरेका थिए ।
उक्त देउडा गित प्रतियोगिता तथा शुभकामना आदान प्रदान कार्यक्रममा कालिकोटकी चर्चित देउडा खेलाडी बेला रोकाया र विनोद सिंह , केशर खड्का र पारस कटुवालका विच भब्य देउडा खेल प्रर्दशन भएको थियो भने उक्त कार्यक्रम आईतबार विहान ११ बजे देखि सञ्चालन भएको थियो । देउडा गीत प्रतियोगीतामा देउडा खेलाडी बेला रोकाया र विनोद सिंह केशर खड्का पारस कटुवाल विच कडा प्रतिशपर्धा भएको थियो ।

बुढिगंगा नगरपालिका वडा नं. ६ फालासैन बासिको आयोजनामा संचालन भएको सो कार्यक्रमको प्रमुख अतिथि बुढिगंगा नगरपालिकाका उप प्रमुख तारा खाती थापा रहेकी थिइन । सो कार्यक्रम देब बहादुर थापाको अध्यक्षतामा सञ्चालन गरिएको थियो । देउडा खेलाडीहरुलार्ई शुभकामना आदान प्रदान कार्यक्रमका साथ खेलाडी बेला रोकायालाई नगद रु.विस हजार सहित पुरुस्कार स्वरुप सम्मान गरीएको छ । साथै उक्त देउडा गित प्रतियोगितामा जिल्ला भित्र तथा कालिकोट , अछाम र बझाङ्ग सम्मका देउडा प्रेमी दर्शकहरुको सहभागीता रहेको थियो ।