महिला नेत्री दिपा बोहराले गरिन् केन्द्रीय महाधिवेशन प्रतिनिधिको उम्मेदवारी घोषणा

शुक्रराज बोहरा / बाजुरा :-  नेपाली कांग्रेसकी महिला नेत्री नेपाली काँग्रेस जिल्ला कार्य समिति सदस्य दिपा बोहराले महिला खुल्ला कोटाबाट केन्द्रीय महाधिवेशन प्रतिनिधिको उम्मेदवारी दिने घोषणा गरेकी छन् ।
विगत लामो समय देखि नेपाली कांग्रेसमा ठुलो योगदान पु¥याउदै आएकी देश र जनताको पक्षमा सधै सकरात्मक सोच राख्ने महिला नेत्रीले केन्द्रीय महाधिवेशन प्रतिनिधिमा निर्वाचित भए पछि केन्द्रीय सदस्य सम्म पुगेर बाजुरामा महिलाको हक र हितका लागी महिला नेतृत्वमा अघि बढ्ने उदेश्यका साथ आफ्नो उम्मेदवारी खुल्ला महिला कोटाबाट केन्दीय महाधिवेशन प्रतिनिधिमा उमेदवारी दिने घोषणा गरेको उनले खप्तड मालिका न्युजलाई बताए ।
नेपाली कांग्रेसको संगठन निर्माणका लागी नेपाली काँग्रेसको विभिन्न पदहरु
– २०४८ साल देखि साधारण सदस्य
– २०५७ साल देखि क्रियाशिल सदस्यता
– २०६५ सालमा महिलासँघ कोषाध्यक्ष
– २०६६ सालमा नेपाली काँग्रेस जिल्ला कार्य समिति सदस्यमा निर्वाचित
– २०७२ सालमा पुनः जिल्ला कार्य समिति सदस्यमा निर्वाचित
भएको र हाल सम्म जिल्ला कार्य समिति सदस्य पदमा रही सक्रिय रुपमा संगठनमा लागि रहेको उनले बताइन् ।
साथै म एक महिला नेत्री भएकोले सधै महिलाको हक हितको संरक्षणका लागि निरन्तर योगदान गरेको र आगामि दिनमा पनि नेपाली कांग्रेसले अघिसारेको लोकतन्त्र प्राप्तीका लागि अहोरात्र खटिरहने प्रतिवद्धताका साथ मेरो उम्मेदवारी महिला खुल्लाकोटा बाट केन्द्रीय महाधिवेशन प्रतिनिधिमा रहेको हुदा सबैले आफुलाई एक पटक सहयोग गरि जिताउनका लागि अनुरोध गरेकी छन् ।
नेपाली कांग्रेसको १४ औँ महाधिवेशन तथा जिल्लाको ७ औँ अधिवेशन चलिरहेका बेला नेपाली कांग्रेसका युवा नेताहरुले दिन प्रतिदिन आ–आफ्नो उम्मेदवारी घोषणा गर्दै आएका छन् । समाज रुपान्तरणका लागि युवाको प्रतिनिधित्व हुनुपर्छ , नेपाली कांग्रेसमा युवा निर्वाचित भएपछि मात्र पार्टी बलियो हुने विश्वासका साथ प्रत्येक जिल्लामा युवा नेताहरुले आ–आफ्नो उम्मेदवारी घोषणा गर्दै आएका छन् ।