नाबालक नवराजको परिवारलाई आर्थिक र खाद्यन्न सहयोग

सर्मिला रोकाया / बाजुरा :- बाजुराको बुढीनन्दा नगरपालिका वडा नं एक पिपलडालीका छाक टार्न समस्यामा रहेको नाबालक नवराज लवारका परिवारलाई राहत सहयोग गरिएको छ । भारतको खारघरमा रहेका नेपालीहरुको आर्थिक सहयोग तथा पत्रकार सर्मिला रोकायाको समन्वयमा लवारको परिवारलाई राहत सहयोग गरिएको हो । गत भदौं ४ गते बुवा खले लवार गुमाएका नाबालक नवराजको परिवारमा आमा सिता लवार, अंकल अम्मरे लवार, दिदी अमनी लवार सहितको पाँच जनाको परिवार रहेको छ ।
वुवा खले ल्वारको मृत्यु पश्चात अहिले घर परीवार विचल्लीमा परेको नमराजले बताउनुभएको छ । आर्थिक अवस्थाले नाजुक हलिया समुदायका ल्वारको परीवारलाई आर्थिक अभावका कारण विहान वेलुका छाक टार्न समस्या भएको स्थानियले बताएका छन । घरमा कमाई र कुनै रोजगारीको अवसर नहुदा परीवारलाई दैनिकी चलाउन समस्या भएको जनाईएको छ । आमा सिता, अकल अम्मरे अपाङग रहनु भएको छ नवराज ७ वर्षका छन भने उनकि दिदी १३ वर्षिकि छन ।
अरुको काम गरेर दैनिकि चलाउदै आएका लवार परीवारको अवस्था अहिले दयनिय वनेको छ । खले ल्वारको मृत्यु पश्चात परीवारलाई छाक टार्न समस्या भएको रेडियो बुढीनन्दामा समचार सम्प्रेषण भए पश्चात ल्वार परीवारलाई राहात जुटेको पत्रकार रोकायाले बताउनुभएको छ । कामको शिलशिलामा भारत लगायतका मुलुकमा रहेका नेपालीहरुद्धारा संकलित सहयोग रकम र संकलन भएको खाद्यान्न ल्वार परीवारलाई वितरण गरेको उहाँले बताउनुभयो । उहाँले ९ हजार रुपैंया, ८० केजी चामल, तीन केजी दाल, पाँच केजी नुन, तीन पोका तेल, एक एक दर्जन कापी, कलम गरी करीव २० हजार वरावरको आर्थिक सहयोग भएको जानकारी दिनुभएको छ ।
नेपाल पत्रकार महाँसंघ शाखा बाजुराका अध्यक्ष छक्क मल्ल, पत्रकार महेश कार्की, सर्मिला रोकाया, स्थानीय हिक्मत ओड, बाँचे सार्की लगायतको उपस्थितीमा राहत सामाग्री विरतण गरीएको हो । भारत लगायतका देशमा रहेका नेपालीहरुको राहात सहयोगले नवराजको परिवारलाई केहि दिनका लागि दैनिक चलाउन राहात पुग्ने बताईएको छ ।
भारतमा रहेका नेपालीहरुले विगतमा पनि लवारको परिवार संगै अन्य समस्यामा परेका स्थानियलाई सहयोग गर्दै आएको र आगामी दिनमा पनि सहयोग गर्ने भारतबाट भुवन सार्कीले बताउनुभएको छ । यो भन्दा अगाडी भारतमा रहनुभएका नेपाली सहयोगी मनहरु भुबन सार्की, कर्म सार्की, टेकराज गिरी, छक्क बोहोरा, सहदेव आउजी, गोविन्द लवार लगायतले सहयोग गर्नुभएको थियो ।
नाबालक नवराजको परिवारलाई भनेर भारतको खारघारमा रहेका बाजुराको बुढीनन्दा नगरपालिका वडा नं एक निवासी भुवन सार्कीले १ हजार ६ सय, कर्म सार्कीले १ हजार ६ सय, हस्त कार्कीले ६ सय ४०, टेकराज गिरीले ८ सय १ रुपैंया, वडा नं एक पार्तोला निवासी डम्मर भण्डारीले १ हजार, वडा नं तीन निवासी प्रेम कुमार विकले ८ सय, सहदेब आउजीले ८ सय, बिन बोहोराले ८ सय, वडा नं ५ निवासी लालविर भदाराले ८ सय, वडा नं ७ सेरकाटिया निवासी डम्मर विश्वकर्माले ५ सय ६०, दल बहादुर खड्काले ३ सय २०, सिंह बहादुर चदारले ८ सय, वडा नं ८ निवासी धन लवार ३ सय २८, वडा नं १० निवासी छक्क बोहोराले १ हजार, लाल बहादुर बोहोराले ८ सय १६ सहयोग गर्नु भएको छ ।
त्यस्तै हिमाली गाउँपालिका वडा नं छ पाडी निवासी गोविन्द लवारले ८ सय, वडा नं ७ बाँधु निवासी गोकर्ण लवारले ४ सय ८०, जगन्नाथ गाउँपालिका वडा नं १ निवासी विर बहादुर विष्टले ९ सय ६१ रुपैंया, गिता कार्की विष्टले ८ सय १६, कपुर विकले ८ सय, नविन बोगटी ८ सय, स्वामीकार्तिक खापर गाउँपालिका वडा नं ५ जेरा निवासी जैमान कामीले ५ सय ६०, वडीमालिका नगरपालिका वडा नं ७ रजातोली निवासी हेमन्त तिमेल्सेनाले ५ सयले भारतबाट सहयोग गर्नुभएको हो ।