काँग्रेस गौमुलको प्रथम अधिबेशन सम्मपन्न, सभापतिमा राजबहादुर धामी निर्बिरोध चयन

बाजुरा–
नेपाली काँग्रेस गौमुल गाउँपालिकाको प्रथम गाउँ अधिबेशन सम्मपन्न भएको छ । काँग्रेस गौमुलले नयाँ गाउँकार्य समिति गठन गर्दै अधिबेशन गाउँ पालिकाको केन्द्र घटमुनामा सम्मपन्न भएको छ । पालिकाको प्रथम गाउँ अधिबेशनबाट राजबहादुर धामी गाउँ कार्य समितिको सभापतिमा निर्बिरोध चयन

भएका छन् । जिल्लाका ९ वटै पालिकामा अधिबेशन सुरु भएता पनी गौमुल गाउँ पालिकामा मात्रै अधिबेशन सम्मपन्न भएको छ । सभातिमा राजबहादुर धामी, उप–सभापति मंगल रोकाया र भिम चँदारा, सचिवमा अर्जुन बोहरा र गणेश रोकाया, सह–सचिवमा मंगल बढा र राजेन्द्र रोकाया, कोषाध्यक्षमा लालबहादुुर रोकाया गरी २२ सदस्यिय गाउँ कार्य समिति गठन भएको गौमुल गाउँ पालिकाका निर्बाचन अधिकृत हर्क थापाले बताए ।

नेपाली काँग्रेस गौमुल गाउँ र्का समितिका निबर्तमान सभापति मनबहादुर रोकायाको अध्यक्षतामा संचालन भएको कार्यक्रमको प्रमुख अतिथि नेपालि काँग्रेस बाजुराका पुर्व उप–सभापति तथा जिल्ला कार्य समिति सदस्य देबबहादुर रोकाया रहनुभएको थियो । नेकपा ऐमालेका जिल्ला कमिटी सदस्य कलक बहादुर सिंह, नेपाली काँग्रेस जिल्ला कार्य समिति सदस्य दिपा बोहरा, उमा रोकाया, जनक रोकाया, चक्र बहादुर बोहरा र धनपती रोकाया लगायत कार्यक्रममा बिशिष्ट अतिथि रहनुभएको थियो ।

नेपाली काँग्रेस गौमुल गाउँ कार्य समितिका निबर्तमान उप–सभापति देबबहादुर रोकायाले स्वागत मन्तब्य राखेको कार्यक्रमको संचालन नेपाली काँग्रेस गौमुल गाउँ कार्य समितिका निबर्तमान सचिव गणेश थापाले गरेका थिए ।