काँग्रेस अधिवेशन: प्रदेश (क) को सचिवमा युवा नेता रोकायाले गरे उम्मेदवारी घोषणा

बाजुराः नेपाली काँग्रेस बाजुराको सातौँ अधिवेशनमा काँग्रेस प्रदेश (क) को सचिवमा युवा नेता रविन्द्र रोकायाले उम्मेदवारी घोषणा गरेका छन् । आसन्न नेपाली काँग्रेसको १४ औँ महाधिवेशन तथा सातौँ जिल्ला अधिवेशनको पुर्व संन्ध्यामा नेपाली काँग्रेस प्रदेश (क) ले आयोजना गरेको अन्तरक्रिया कार्यक्रममा युवा नेता रोकायाले पनि आफ्नो निर्वाचन क्षेत्र नं १ को सचिवमा उम्मेदवारी घोषणा गरेको अधिवेशन प्रचारप्रसार समिति सदस्य संगिता तिमिल्सेनाले जानकारी दिइन् ।

२०५७ सालमा जन प्रकाश माविबाट नेबिसंघको सदस्यता लिई जय बागेश्वरी उच्च माध्यामिक विद्यालयमा नेपाल विद्यार्थी संघको सहसचिव हुँदै २०६१ नेपाल बिधार्थी संघ बाजुरा काठमाडौं सम्पर्क समितिको सचिव समेत बनेका युवा नेता रोकाया २०६५ मा नेपाली बिधार्थी संघ पब्लिक युथ क्याम्पस अध्यक्ष समेत बनेका थिए । २०६८ मा नेपाल बिधार्थी संघ ११ औँ महाअधिबशेनमा केन्द्रीय सदस्यका प्रत्यासि समेत रहेकायुवा नेता रोकायाको स्थानिय चुनाव जिताउन महत्त्वपूर्ण भुमिका खेल्दै नेपाली काँग्रेसको तर्फ बाट प्रदेश स्थानिय तथा प्रतिनिधि सभाको निर्वाचनमा प्रमुख रुपमा एजेन्ट रहेर काम गरेका थिए । २०६२र६३को जन-आन्दोलनमा पार्टी कै नाममा पटक-पटक जेल सजाय भोगेका रोकाया कानुनी शास्त्रमा तेस्रो बर्ष अध्ययनरत विद्यार्थी पनि हुन् ।
नेपाली काँग्रेस प्रदेश (क) का हरेक क्रियाकलापमा अग्रसर हुने युवा नेता रोकायाले काँग्रेस निर्वाचन क्षेत्र नं १ मा आफु सचिव पदको उम्मेदवार रहेको बताएका हुन् ।
काँग्रेस प्रदेश (क) को सचिवका लागि यसअघि युवा नेता जनम धामी, र नेपाली काँग्रेस हिमाली गाउँपालिकाका सचिव रमेश भण्डारीले पनि उम्मेदवारी घोषणा गरिसकेका छन् ।
भने प्रदेश (क)को सभापतिका लागि ५ जनाले उम्मेदवारी घोषणा गरेका छन् ।
काँग्रेसको वडा अधिवेशन आगामी असोज ५ गते,गाउँ तथा नगर अधिवेशन ९ गते,प्रदेश अधिवेशन १२ गते र जिल्ला अधिवेशन असोज १५ गते सम्पन्न हुँदैछ ।