बर्तमान अतिवादी नेतृत्वका बिरुद्धमा मेरो उम्मेदवारी– नेता शाह

बाजुरा– नेपाली काँग्रेसको १४ औं महाधिबेशनले देशभरीका काँग्रेसजनहरुलाई उत्साह छाईरहेको छ । काँग्रेसजनहरुका लागी दिपावली नै लागेको देखिन्छ । काँग्रेसको महाधिबेशनमा कतिपय केन्द्रिय नेताहरु समेत अहिले जिल्ला दौडमा रहेको देखिन्छ । पहिलोको नेतृत्वले के कति काम ग¥यो र अव आउने नेतृत्वले के गर्ने भन्नेमा पनी निकै होडबाजी चलिरहेको छ । नेपाली काँग्रेस बाजुरामा समेत अहिले सातौं जिल्ला अधिबेशनको निकै रौनक छाएको छ । जिल्लाको नेतृत्व कसले लिने भन्नेमा पनी निकै तमासा चलेको देखिन्छ । जिल्लमा दिन प्रतिदिन पत्रकार सम्मेलन गर्दै जिल्ला सभापतीको उम्मेदवार दिनेको संख्या भने बढ्दो क्रममा देखिन्छ । यहि उत्साह अनुसार काँग्रेस बाजुराको नेतृत्वमा उम्मेदवार दिने हो भने सहमतीको नेतृत्व काँग्रेस बाजुराले पाउछ भन्ने बिश्वास देखिदैन । तर काँग्रेस बाजुराका नेता कार्यकर्तालले बाेल्ने भाषा भने एउटै जस्तो मात्रै बनेको देखिन्छ । सबबैले भन्छन् सहमतीका आधारमा काँग्रेस बाजुराले नेतृत्व लिन्छ । तर यो उत्साहले सहमतीको आधारमा नेतृत्व चयन हुने देखिदैन । आ–आफ्नै अडानमा काँग्रेस बाजुराको सभापतीका लागी उम्मेदवार दिईरहेका छन् । सोमबार मात्रै काँग्रेस बाजुराको क्रियाशिल बिबाद सकिएको छ । क्रियाशिल बिबाद समाधान भएको पछिल्लो दिन अर्थात मंगलबार नेपाली काँग्रेस बाजुराका नेता तथा महाधिबेशन प्रतिनिधी चक्र शाहले नेपाली काँग्रेस बाजुराको पार्टी सभापतिमा आफ्नो उम्मेदवार घोषणा गरेका छन् ।

काँग्रेस नेता शाहले मंगलबार मार्तडीमा पत्रकार सम्मेलन गर्दै सातौं जिल्ला अधिबेशनमा आफ्नो पार्टी सभापतिमा उम्मेदवारी रहेको जानकारी गराएका हुन् । समग्र काँग्रेस बाजुराको नेतृत्व फरक ढंगबाट अघाडी बढाउन र काँग्रेस बाजुरालाई चलायमान बनाउन युवाले नेतृत्व लिनु पर्ने माग आएपछि आफुले बाजुराको पार्टी सभापतिको उम्मेदवारी घोषणा गरेको पत्रकाहरुलाई जानकारी गराएका छन् । अग्रजहरुलाई सम्मान गर्दै अघाडी पार्टीको जिल्लाको नेतृत्व गरेकाले र अहिले चाँसो राख्नेले समेत आफुलाई सहमतिको सभापती बनाउन समेत आग्रह गर्नुभयो । अघिल्ला दिनहरुमा काँग्रेस बाजुराले गरेका कामको पनी मुल्याङ्कन गरीएको बताउदै नेता शाहले बर्तमान अतिवादी नेतृत्वका बिरुद्धमा मेरो उम्मेदवार रहेको बताए । सबैले सहमति गरेर काँग्रेस बाजुराको नेतृत्व छानौं भनेमा आफु बादक नबन्ने समेत बताएका छन् । सम्भबत अब आउने समग्र काँग्रेस बाजुराको नेतृत्वमा सबै युवाहरुकै टिम आउने समेत बताउनुभयो । अहिले पार्टीको आन्तरीक छलफल भैरहेकाले अब केहि दिनमै काँग्रेस बाजुरामा युवा नेतृत्व आउने गरी सबै पदमा उम्मेदवारी घाेषणा गरीने समेत नेता शाहले पत्रकार सम्मेलन मार्फत जानकारी गराउनुभएको हाे । पत्रकार सम्मेलन कार्यक्रममा काँग्रेस नेताहरु तिलक पुरी ,महाअधिवेशन प्रतिनिधि राधिका सिह , बडिमालिका नगरपालिका उप–प्रमुख कविता विष्ट, पार्टीका पुर्व सह–सचिव राजेन्द्र शाह विपि, नेताहरु सुरेन्द्र सिह, बिरेन्द गिरि ,योगेन्द्र रावल, गोरख रौले, भिम रौँले ,लगायत जिल्लामा आबद्ध पत्रकार र नेपाली काँग्रेका नेता कार्यकर्ताको उपस्थित रहेको थियो ।