प्रहरीलाई हातपात गर्ने युवक पक्राउ

बाजुरा, बाजुरामा प्रहरीमाथि हातपात गरेको आरोपमा एक जना पक्राउ परेका छन्। पक्राउ पर्नेमा बुढीगंगा नगरपालिका ८ बस्ने २१ वर्षीय प्रकाश कुँवर रहेका छन्।
शनिबार बिहान अस्थाई प्रहरी पोष्ट रिठा बजारबाट खटिएको प्रहरीले सवारी जाँच गर्ने क्रममा पदैल आएका उनले सवारी साधन किन जाँच गर्नुपर्यो, नगरे के हुन्छ भनि विवाद गरी हातपात समेत गरेको जिल्ला प्रहरी कार्यालय बाजुराका प्रहरी प्रमुख मदनजित महराले बताए।
प्रहरी प्रमुख महराका अनुसार बच्चाले ट्याक्टर चलाएर ल्याउदा प्रहरीले रोक्यो । प्रहरीले रोकेपछी प्रहरीमाथी हातपात गरेका हुन् । डिउटीमा एक मात्रै प्रहरी भएको समयमा प्रहरीमाथी हातपात गरेको हो । पक्राउ परेका उनीमाथि थप अनुसन्धान भइ कार्वाहीको प्रक्रिया अधि बढाईने बताएको छ।