तेस्रो पदम खत्री स्मृतिमा ७१ हजार राशिकाे खुला भलिबल हुने

बाजुरा– पदम खत्री स्मृति प्रतिष्ठान बाजुराले ७१ हजार १ सय ११ रुपैयाँँ राशिको खुला भलिबल प्रतियोगिता संचालन गर्ने भएको छ । जिल्लाको त्रिबेणी नगरपालिका वडा नं. ९ पैमामा स्थापना गरीएको प्रतिष्ठानले खुला भलिबल आयोजना गर्ने भएको छ । आईतबार मार्तडीमा पत्रकार सम्मेलन गरी ७१ हजार राशिको भलिबल संचालन गरीने प्रतिष्ठानका सल्लाहाकार समिति संयोजक कर्ण थापाले बताए । उक्त खुला भलिबल दशैको अवसर पारी अषोज ३० गतेदेखि कार्तिक ३ गते सम्म संचालन हुने भएको छ । खेल त्रिबेणी नगरपालिका ९ मा रहेका पार्वती माबि पैमाको खेद मैदानमा संचालन गरीने भएको छ । खुला भलिबल प्रतियोगितामा प्रथम हने टिमलाई ७१ हजार १ सय ११ रुपैयाँँ नगद सहित मेडल, ट्रफि र प्रमाणपत्र, द्धितिय हुनेलाई टिमलाई ३५ हजार १ सय ११ रुपैयाँ नगद सहित मेडल, ट्रफि र प्रमाणपत्र र खेलमा उतृष्ठ हुने खेलाडीलाई ५ हजार १ सय ११ रुपैयाँ नगद सहित मेडल, ट्रफि र प्रमाणपत्रको ब्इबस्था गरीएको प्रतिष्ठानका कोषाध्यक्ष राजेन्द्र खत्रीले बताउनुभयो ।