अन्तराष्ट्रिय साक्षरता दिवस तथा अन्तरक्रिया कार्यक्रम सदरमुकाम मार्तडीमा सम्पन

राम बहादुर वि‍.क/ बाजुरा,२३भदौ:-
अन्तराष्ट्रिय साक्षरता दिवसको अवसरमा साक्षर पालिका घोषण र दिगोपना बिषयक अन्तरक्रिया कार्यक्रम सदरमुकाम मार्तडीमा सम्पन भएको छ । बडिमालिका नगरपालिकाको आयोजना तथा शिक्षाका लागी राष्ट्रिय अभियान नेपाल जिल्ला शाखा बाजुराको सहकार्यमा उक्त कार्यक्रम बडिमालिका नगरपालिको सभाहलमा संचालन गरी सम्पन गरिएको छ । नगरपालिका सेवा क्षेत्र भित्र रहेका विद्यालयका प्रधानाध्यापक तथा जनप्रतिनिधीहरुको सहभागितामा साक्षर पालिका घोषण र दिगोपना बिषयक अन्तरक्रिया कार्यक्रम गरि सम्पन गरेको नगरपालिकाले जनाएको छ ।

अन्तरक्रिया कार्यक्रममा नगरपालिका भित्रका सवै विद्यालयहरुमा भवन र कक्षाकोठहरु पँहुच युक्त बनाउनु पर्ने र कोभिड १९ बाट प्रभावित बिद्यार्थीको पठनपाठनलाई परिपुर्ति गर्नु पर्ने बिषयलाई बडिमालिका नगरपालिकाले चुनौतिको बिषय भएको बताएको छ । त्यसैगरी शिक्षामा सक्षमता पुरा गरी शिक्षाको गुणस्तर सुधार्नु पर्ने , साक्षरताको शिक्षा दिई सबैलाई साक्षर बनाउनु पर्ने र सबै बालबालिकाहरुलाई शिक्षाको पँहुचमा ल्याई गुणस्तरिय शिक्षा हुनु पर्ने लगाएतका बिषयलाई नगरपालिकाले चासो देखाएको छ । साक्षर पालिका घोषण र दिगोपना बिषयक अन्तरक्रिया कार्यक्रम बोल्दै प्रमुख जिल्ला अधिकारी गोपाल कुमार अधिकारीले भने विश्वमा कोरोना भाईसले आक्रान्त बनाई रहेका बेला बाजुरा पनी अछुत नरहेको र कोरोना नसकिएको र जिल्लामा कोभिड १९ नियन्त्रणमा मात्र रहेको बताए । प्रजिअ अधिकारीले भन्नु भयो, बाजुरामा कोरोना भाइरसको संक्रमण रहीरहेका छ तर कोरोना नियन्त्रण भईसक्यो भन्ने भ्रममा नपर्न पनी आग्रह गरे । जिल्लाका सवै विद्यालयहरुमा भौतिक उपस्थितीमा पठनपाठन अनिबार्य नगरिएको तर स्वास्थ्य सुरक्षाका सामाग्रीहरु पुरा गरी म सक्षम छु भन्ने बिद्यालयहरुले मात्र भौतिक उपस्थितीमा पठनपाठन सुरु गरेको प्रजिअ अधिकारीको भनाई छ ।

त्यस्तै सोही कार्यक्रममा शिक्षाका लागी राष्ट्रिय अभियान नेपाल बाजुराका अध्यक्ष तुलाराम जैशीले सदरमुकाम मार्तडीमा रहेको कर्मचारी मिलन केन्द्रमा पुस्तकालय राख्ने भनिएको थियो तर त्यसमा होटल संचालन गरिएकाले त्यो विडम्बना भएको बताए । उहाँले त्यो होटेल रुपमा परिणत भएको छ तर त्यसलाई पुस्तकालय संचालन गर्नु पर्ने भन्दै प्रमुख जिल्ला अधिकारीको ध्यानाकर्षण गराउनु भयो । बडिमालिका नगरपालिकाका नगरप्रमुख पदम बडुवालको अध्यक्षतामा संचालन भएको कार्यक्रमका प्रमुख अथिती प्रजिअ गोपाल कुमार अधिकारी रहनु भएको थियो । त्यस्तै कार्यक्रममा शिक्षाका लागी राष्ट्रिय अभियान नेपाल बाजुराका अध्यक्ष तुलाराम जैशी , बडिमालिका नगरपालिका वडा नम्मर ८ का वडा अध्यक्ष प्रकाश रावल , १ का वडा अध्यक्ष रामबहादुर कार्की , ६ का वडाअध्यक्ष कला बडुवाल , ३ का वडा अध्यक्ष विरबहादुर रावल र ९ का अध्यक्ष लालचन्द्र नेपाली लगाएत प्रत्येक विद्यालयका प्रधानाध्यापक लगाएत पत्रकारको सहभागिता रहेको थियो । नि।प्रमुख प्रशासकिय अधिकृत रंगमल विकले स्वागत मन्तव्य राख्नु भएको कार्यक्रमको संचालन भने बडिमालिका शिक्षा शाखाका रामबहादुर कटुवालले गरेका थिए ।