काँग्रेस प्रदेश निर्वाचन ‘ख’ सम्पर्क कार्यालय स्थापना

बाजुरा :- नेपाली काँग्रेसको १४ औं महाधिवेशन तथा बाजुराको सातौं जिल्ला अधिवेशनको पुर्व सन्ध्यामा बुधबार नेपाली काँग्रेस प्रदेश निर्वाचन क्षेत्र ‘ख’ को सम्पर्क कार्यालय फालासैनमा स्थापना गरेको छ ।
अधिवेशको तयारीका लागि बैठक छलफल र पाटीको अन्य कार्यका लागि कार्यालय स्थापना गरेको नेपाली काँग्रेस बुढीगंगा नगर कार्य समिति सह–संयोजक जयराज उपाध्यायले खप्तड मालिका न्युजलाई जानकारी दिएका छन् ।
उनले दिएको जानकारी अनुसार पाटी अधिवेशनको तयारी गर्न सजिलो र पार्टीका शिर्ष नेताहरुको भेलाका लागि र अधिवेशनमा कार्यालय संचालन गर्ने गरी तत्कालिन संविधान सभाका सदस्य तथा नेपाली काँग्रेस महासमिति सदस्य देवराज जोशीले कार्यालय उद्घाटन गरेको जानकारी दिएका छन  ।
अधिवेशनको तयारीका लागि र प्रथम प्रदेश निर्वाचन अधिवेशनपछि कार्यालय नै बनाउने गरी सम्पर्क कार्यालय खोलेको सह–संयोजक जयराज उपाध्यायले बताएका छन् ।
सम्र्पक कार्यालय उद्घाटनमा तत्कालिन संविधान सभा सदस्य देवराज जोशी, काँग्रेस जिल्ला कार्य समिति सल्लाहकार संयोजक रङ्गबहादुर खाती,जिल्ला कार्य समिति सदस्य शेरबहादुर खाती,बुढीगंगा नगर कार्य समिति सह–संयोजक जयराज उपाध्याय,नेपाल विद्यार्थी संघ पुर्व अध्यक्ष सुरत शाह,नेविसंघ निवर्तमान केन्द्रीय सदस्य गोरखबहादुर रौले,महिला संघकी नेत्री पुजा खाती,नेविसंघ नेता रामप्रसाद रेग्मी लगायत नेता तथा कार्यकर्ताहरु सहभागी थिए ।