सामाजिक अभियान्ता बोहराको पहलमा स्वास्थ्य सामाग्री सहयोग

बाजुरा :- कोरोना भाईरस (कोभिड १९) को तेस्रो लहर देश भर फैलिरहँदा बाजुरा जिल्लामा पनि कोरोना भाईरस कोभिड १९ को तेस्रो भेरियन्टका संक्रमितहरु फेला परिसकेका छन् । उक्त भाईरसबाट सुरक्षित रहन केहि सहयोग पुगोस् भन्ने हेतुले सुदुरपश्चिमेली अष्टेलियन समाजले कोभिड १९ बाट बच्नका लागी स्वास्थ्य सामाग्री सहयोग गरीएको छ । जिल्लाको बुढीगंगा नगरपालिकामा रहेको टाँटे स्वास्थ्य चौकी र नगरपालिकाको वडा नं. ६ मा कोभिड १९ का लागी स्वास्थ्य सामाग्री सहयोग गरीएको बुढीगंगा नगरपालिकाबाट सामाजिक अभियान्ता मानबहादुर बोहराले जानकारी दिएका छन् ।

अभियान्ता बोहराले दिएको जानकारी अनुसार अक्सिजन कन्सलटेटर १ वटा, सेनिटाईजर १५ लिटर, सर्जिकल मास्क २ हजार पाँच सय पिस, पि.पि.ई पाँच सेट ,सिटामोल र कोराना टेष्ट किट लगाएतका स्वास्थ्य सामाग्रीहरु सहयोग गरीएको हो । उक्त स्वास्थ्य सामाग्रीहरु बुढीगंगा नगरपालिका वडा नम्बर ६ का वडाध्यक्ष गणेशबहादुर थापाले टाँटे स्वास्थ्य चौकीका ईन्चार्ज छत्रबहादुर थापालाई हस्तान्तरण गरेका हुन् । सामाजिक अभियान्ता मानबहादुर बोहराको बिशेष पहल तथा सुदुरपश्चिमेली अष्टेलियन समाजका सुदुरपश्चिम संयोजक प्रकाश बहादुर शार्की र दिर्घराज पाध्यायकोे समन्वयमा उक्त स्वास्थ्य सामाग्री उपलब्ध गराईएको थियो ।

सामाजिक अभियान्ता मानबहादुर बोहराले अष्टेलियाबाट उक्त स्वास्थ्य सामाग्री पठाउन सहयोग गर्ने सम्पुर्ण नेपालीहरुलाई र बिशेष गरी शरोज सिंह ठकुरीलाई धन्यवाद समेत दिएका छन । साथै हाम्रो जस्तो मुलुकमा सानो सहयोगले पनि ठुलो राहत हुने भएकाले थप सहयोगको पनि अपेक्षा गरेको बताएको छ ।