नेपाली काँग्रेस बडीमालिका नगर कार्य समितीको बैठक सम्पन्न

मानदेव रोकाया⁄
बाजुरा– नेपाली काँग्रेस बडिमालिका नगर कार्य समितीको बैठक सम्पन्न भएको छ । नेपाली काँग्रेसको आसन्न १४ औं महाधिबेशन जिल्लाको सातौं जिल्ला अधिबेशन हुने मिति नजिकिदै गएको छ । सोही अनुरुप नेपाली काँग्रेस बडिमालिका नगरपालिकाले नगरको दोस्रो अधिबेशन कसरी सफल पार्ने भन्ने बिषयमा छलफल भएको नेपाली काँग्रेस बडिमालिका नगरपालिका ८ का वडा सभापती जनक थापाले बताए । वडा सभापती थापाका अनुसार नगरको दोस्रो अधिबेशन भब्य र सभ्य रुपले सफल पार्न अधिबेशनका लागी मुल समारोह समिती पनि गठन गरीएको छ ।
नेपाली काँग्रेसका बडिमालिका नगरपालिको दोस्रो अधिबेशन मुल समारोह समितीमा नेपाली काँग्रेस बडिमालिका नगरपालिकाका कार्यवाहक सभापती धनलाल पाध्याय रहने गरी समिति गठन गरीएको छ । कार्यवाहक सभापती धनलाल पाध्याय संयोजक रहने गरी सम्पुर्ण समितिका पदाधिकारीलाई जिम्मेवारी बाँडफाँड गरीएको छ ।
त्यस्तै नगरपालिका भित्रका नेपाली काँग्रेस पार्टीका भातृ तथा भगेनी संघ संगठनका प्रमुख तथा प्रतिनिधीले नगरको दोस्रो अधिबेशन सफल पार्न लाग्ने गरी अधिबेशनको मुल समारोह समिति गठन गरीएको हो ।
नगरको बैठकले बडिमालिका नगरपालिका नगर उप–प्रमुख कविता बिष्टका ससुरा, नेपाली काँग्रेस बडिमालिका नगर कार्य समितिका सचिव पदम बहादुर बडुवालका बुवा र बडिमालिका नगरपालिका वडा नं. ६ का वडाध्यक्ष कला बडुवालकी आमाको निधन प्रति शोक पारीत गरेको छ ।
नेपाली काँग्रेस बडिमालिका नगरपालिकाका कार्यवाहक सभापती धनलाल पाध्यायको अध्यक्षतामा बसेको बैठकमा नेपाली कााग्रेस बाजुराका संगठन बिभाग प्रमुख धनराज पण्डित, बडिमालिका नगरपालिकाका नगर प्रमुख पदम बडुवाल उप–प्रमुख कविता बिष्ट, महिला संघ बाजुरा अध्यक्ष अमृता सिंह, नेपाली काँग्रेस जिल्ला कार्य समिति सदस्य तथा बडिमालिका नगरपालिका ८ का वडाध्यक्ष प्रकाश रावल, ने.बि.संघ बाजुराका कार्यबाहक अध्यक्ष तथा नेपाली काँग्रेस बडिमालिका नगरपालिका ८ का वडा सभापति जनक थापा लगाएतको सभागिता रहेको थियो ।