पहिलो पटक बिरेखोला झर्नामा ड्रोनबाट देउडा गीतको छायाङ्कन

राजेन्द्र बहादुर राेकाया /
बाजुरा : बाजुराको पर्यटकिय क्षेत्र बिरेखोला झर्नामा देउडा गीतको छायाङ्कन गरीएको छ । जिल्लाको समसामयिक बिषय बस्तुलाई समेटेर शब्द संगितमा रहेको देउडा गीतको बुधबार उक्त झरनामा छायाङ्कन गरीएको गीतका निर्देशक सुरेन्द्र संगमले बताए ।
जिल्लाको बडिमालिका नगरपालिका ०८ मा पर्ने उक्त झरना जिल्लाको सदरमुकाम मार्तडी देखि करिब ०६ किलो मिटरमा पर्दछ । उक्त क्षेत्रमा अहिले आन्तरीक तथा बाह्य पर्यटकहरुको समेत भिड लाग्ने गर्दछ । मनमोहक दृश्यमा देखिने उक्त झरनामा पर्यटकको आकर्षण बढ्न थालेपछि उक्त क्षेत्रमा गीतहरु छायाङ्कन पनि सुरु गरिन थालिको छ ।
बुधबार उक्त झरनामा सिलंगो बोलको देउडा गीतको छायाङ्कन गरिएको छ । उक्त झर्नामा पहिलो पटक ड्रोन सहितको प्रयोग गरेर गीतको  छायाङ्कन गरिएको हो । मौसम खरावीका बिचमा पनी गितको छायाङ्कन सम्पन्न गरीएको ड्रोन, छायाङ्कर अमित वि.कले बताए ।
कलाकार राजेन्द्र रावतको शब्द संगित रहेको गीतमा गायिका रेखा जोशी र गायक मनबहादुर बोहराले आवज दिएका छन् । सुरेन्द्र संगम ( डोट्ययाल बड्डो) को निर्देशन रहेको गीतको ड्रोन, छायाङ्कन अमित वि.कले गरेका छन् । गीतमा मोडल कोपिला सिंह र मनबहादुर बोहरा मुख्य पात्रका रुपमा देखीने भएका छन् भने गीतको सम्पादन अनुप वि.कले गर्नेछन्। गीतकाे दृश्य निर्माण श्रीराम फिल्मस धनगढीले गरेको छ । गीत गायिका रेखा जोशीको अफिसियल युटुब च्यानल बाट छिट्टै बजारमा ल्याउने तयारी रहेको गीतका शब्द रचना र संगितकार राजेन्द्र रावतले बताए ।