खप्तड छेडेदहमा मृत चितुवा भेटियो

बाजुरा : जिल्लाको खप्तड छेडेदह गाउँपालिका वडा नं ६ मा मृत चितुवा फेला परेको छ । आइतबार जिल्लाको खप्तड छेडेदह गाउँपालिका वडा नं ६ नजिकै रहेको वनमा सो चितुवा मृत अवस्थामा फेला परेको हो ।
जंगलमा मृत अवस्थामा चितुवा फेला परेपछि त्यहाँका स्थानियले आटिचौर प्रहरी चोकीलाई खबर गरेका थिए । आइतबार राती प्रहरी चोकीको संरक्षणमा राखी आइतबार बिहान जिल्ला वन कार्यालय बाजुराको टोली र आटिचौर प्रहरीको सहयोगमा सो चितुवा जिल्ला वन कार्यालय मार्तडी ल्याइएको जिल्ला वन कार्यालय बाजुराका प्रमुख कालीराम चौधरीले जानकारी दिए ।
उनका अनुसार जिल्ला वन कार्यालय बाजुरामा ल्याइएको मृत चितुवाको सोमबार वन कार्यालय बाजुराको प्राविधिक टोलीले पोष्टमार्टमपछि स्काभेटर प्रयोग गरेर मृत चितुवाको शव व्यवस्थापन गरिएको बुझिएको छ ।