प्रदेश प्रमुख जोशी बाजुरामा बुढीगंगाका बिभिन्न ठाउँमा सम्मान तथा अभिनन्दन

बाजुरा– सुदूरपश्चिम प्रदेश सरकारका प्रमुख देबराज जोशी बाजुरा पुग्नुभएको छ ।

प्रदेश प्रमुख जोशी प्रदेश सरकारको प्रमुखमा नियुक्त भएपछि पहिलो पटक बाजुरा पुग्नुभएको हो । पहिलो पटक गृह जिल्ला पुगेका प्रमुख जोशीलाई बाजुराको मालिका बजार,बाम्का बजार, फलासैन बजार लगाएतका ठाउँमा भब्य स्वागत गरीएको छ ।

ठुलो मासमा स्थानीयको उपस्थितीमा बाजा गाजा फुलमाला सहित प्रदेश प्रमुख जोशीलाई जिल्लामा स्वागत तथा अभिनन्दन गरीएको छ ।

जिल्लाको बुढिगंगा नगरपालिकाका बिभिन्न ठाउँमा सम्मान तथा अभिनन्दनका कार्यक्रम गरीएको प्रदेश प्रमुख जोशीका प्रमुख स्वकीय सचिव अफिलाल जोशीले बताए ।

प्रदेश प्रमुख जोशीले बुढिगंगा नगरपालिका ५ मा रहेको थुमा माद्यामिक बिद्यालयको नवनिर्मित दुई कोठे भवनको पनि उद्घाटन गर्नुभएको छ ।

त्यस्तै बुढिगंगा नगरपालिकामा रहेको भानुदय माद्यामिक बिद्यालयमा समेत प्रदेश प्रमुख जोशीलाई सम्मान तथा अभिनन्दन गरीएको छ ।

कार्यक्रममा प्रदेश प्रमुख जोशी आफु प्रदेश प्रमुख रहँदा सफत लिए अनुरुप जनताको काममा अडिक भएर लाग्ने बताउनुभयो । आफु पदमा रहँदा होस् या नरहँदा जहिले जनताको हितका लागी आफु कटिबद्ध भएर लाग्ने समेत बताउनुभएको छ ।

कार्यक्रममा काँग्रेस बाजुराका सभापति, प्रमुख जिल्ला अधिकारी, जिल्ला प्रहरी कार्यालय बाजुराका प्रमुख लगायत स्थानियको उपस्थिती रहेको थियो । शनिबार जिल्लाको खप्तड छेडेदह गाउँपालिकाका बिभिन्न ठाउँमा जाने कार्यक्रम रहेको प्रदेश प्रमुख जोशीका प्रेश संयोजक छक्क मल्लले जानकारी दिनुभयो ।