जगन्नाथ गाउँपालिकामा नागरिक आरोग्य केन्द्र स्थापना

सर्मिला रोकाया / बाजुरा : बाजुराको जगन्नाथ गाउँपालिकामा आयुबेर्द नागरिक आरोग्य सेवा केन्द्र स्थापना गरिएको छ । सुदूरपश्चिम प्रदेश सरकार सामाजिक विकास मन्त्रालय स्वास्थ्य निर्देशनालय अन्तर्गत जिल्ला आयुर्वेद बाजुराले संचालन गर्ने गरी केन्द्रको स्थापना गरी सेवा सुचारु गरिएको हो । हिजो एक कार्यक्रमका बिच गाउँपालिकाका अध्यक्ष कालीकहादुर शाहीले आरोग्य सेवा केन्द्र उद्धघाटन गर्नुभएको छ । उद्धघाटन कार्यक्रममा वोल्दै गाउँपालिकाका अध्यक्ष शाहीले गाउँपालिकामा आरोग्य केन्द्रको स्थापनामा सहयोग गर्ने सम्पुर्ण निकायलाई धन्यवाद दिनुभएको छ ।

आरोग्य केन्द्र सञ्चालन र प्रवाहा हुने सेवा सुविधालाई प्रभावकारी वनाउन सवैको सहयोग रहने उहाँले बताउनुभयो । जिल्ला आयुर्वेद स्वास्थ्य केन्द्र बाजुराका प्रमुख रंगबहादुर कार्कीको अध्यक्षतामा सञ्चालन भएको कार्यक्रममा वडा अध्यक्ष, कार्यापालिकाका सदश्य, विभिन्न शाखाका प्रमुख तथा प्रतिनिधि लगायतको सहभागिता रहेको थियो । समापन कार्यक्रमा वोल्दै जिल्ला आयुर्वेद स्वास्थ्य केन्द्र बाजुराका प्रमुख रंगबहादुर कार्कीले सा्रेतले भ्याय सम्म कार्यालय सञ्चालनमा पुर्ण सहयोग रहने प्रतिवद्धता जनाउनुभएको छ । नागरिक आरोग्य केन्द्रमा वैद्य र एक जना सहयोगी कर्मचारी रहने छन ।

सेवा केन्द्रबाट निशुल्क औधषी वितरण, विरामी चेकजाँच लगायतका सेवा सञ्चालन गरीने जनाईएको छ । आरोग्य सेवा केन्द्रले गाउँपालिकाका जेष्ठ नागरिकलाई रसायन औषधी वितरण र स्तनपाइ आमालाई दुग्धवतन औषधी वितरण गरिने कार्यालयले जनाएको छ । कार्यालय स्थापना संगै सेवा सञ्चालनमा आए देखि आयुर्वेद सेवा लिन सर्बसाधारणले जिल्ला धाउनु पर्ने वाध्यता हटेको गाउँपालिकाले जनाएको छ । जिल्लाका अन्य केही पालिकामा यो भन्दा पहिला आयुबेर्द नागरिक आरोग्य सेवा केन्द्र सञ्चालनमा आई सेवा सुचारु गरीएको छ ।