नेकपा एमालेका जिल्ला कमिटी सचिवालय सदस्य विष्टद्धारा जगन्नाथको अध्यक्ष पदका लागि उम्मेदवारी घोषणा

सर्मिला रोकाया /बाजुरा : नेकपा एमाले बाजुराका जिल्ला कमिटी सचिवालय सदश्य जनक विष्टले आउदो स्थानिय चुनावका लागि उम्मेदवारी घोषणा गर्नुभएको छ । आज विहानको समय सन्दर्भ कार्यक्रममा बाेल्दै जिल्ला कमिटी सचिवालय सदस्य विष्टले आगामी ३० वैशाखमा हुने स्थानिय निर्वाचनका लागि जगन्नाथ गाउँपालिकाको अध्यक्ष पदका लागि उम्मेदवारी घोषणा गर्नुभएको हो । नेकपा एमालेका अर्थ विभाग प्रमुख समेत रहनुभएका विष्टले आगामी वैशाखमा हुने स्थानिय निर्वाचनका लागि आफु गाउँपालिकाको अध्यक्ष पदका लागि एकल उम्मेदवारी भएको घोषणा गर्नुभएको छ । कार्यक्रम समय सन्दर्भको बहसमा बाेल्दै उहाँले आफु गाउँपालिकाको निर्विकल्प एकल उम्मेदवारी रहेकोले कसैको दावि नहरने पनि स्पष्ट पार्नुभएको छ ।

जगन्नाथ गाउँपालिकाका स्थानियबाट नेतृत्व परीवर्तन गर्नु पर्ने धारणा आईसकेको बताउदै उहाँले गाउँपालिकाको विकाशमा आफ्नो आवश्यक्ता भएकाले पनि आफु अध्यक्षको बलियो उम्मेदवार भएको बताउनुभएको छ । कार्यक्रम समय सन्दर्भको वसहमा प्रस्तोता महेश कार्कीले वर्तमान अध्यक्ष कालीबहादुर शाही नै पुन: दोहोरीने सम्भावना कत्तिको छ ? भनेर सोध्नुभएको प्रश्नको जवाफमा उहाँले वर्तमान अध्यक्ष शाहीले एक पटक अवसर पाईसकेकाले पुन: नदोहाेरीने बताउनुभएको हो । स्थानिय निर्वाचन २०७४ मा आफु उम्मेदवार भए पनि वर्तमान अध्यक्ष शाही र पार्टीलाई चलाउन सहयोग गरेको बताउनुभयो । विष्टले यस पटकको चुनावमा पार्टीका नेता तथा कार्यक्रता संगै समन्वय भईरहेकाले सम्भत आफु नै उम्मेदवारी हुने दाबी गर्नुभएको छ ।
उहाँले यसका लागि पार्टी पंक्तिका उच्च नेतृत्व संग पनि छलफल र समन्वय भईरहेकाले यसको कुनै दुविधा नरहेको पनि बताउनुभएको छ । आउदो वैशाख ३० गते हुने स्थानिय निर्वाचनका लागि नेकपा एमालेले तयारी गरीरहेको र आम नागरीकले पनि एमालेलाई विश्वास गर्ने बताउनुभएको छ । गएको स्थानिय निर्वाचनमा बाजुराका ९ स्थानिय तह मध्य नेकपा एमालेले ३ स्थानिय तहमा जित हासिल गरेको भए पनि यस पटक ७ वटा स्थानिय तहमा नेकपा एमालेले जित्ने दावि समेत गर्नुभएको छ ।