फेरीकै भरमा सवारीसाधन: हिउँदमा सहज बर्षातमा सास्ती

गाेविन्द्र राज तिमिल्सेना,बाजुरा: बाजुराका हरेक गाउँ-ठाउँ पुग्न निकै कठिन छ। प्राकृतिक भू-वनाेटका कारण बाजुराका गाउँबस्ती निकै विकट छन्।हरेक सेवा सुविधाबाट यहाँका गाउँबस्ती दुर छन्।अभावै अभावमा यहाँका नागरिकले जीवन गुजारी रहेका छन्।

संघीयता पछि देशले काँचुली फेरे पनि विकट जिल्लाले अझै काँचुली फेर्न सकेकाे छैन्। अझै विकासकाे लहर शहरमै सिमित छ।विकट क्षेत्रका नागरिक विभिन्न सेवा सुविधाबाट बञ्चित छन्।सवारी-साधनलाई अझै फेरीकै भरमा चल्नु पर्ने बाध्यता छ।

बाजुरा पनि याे समस्याबाट अछुत छैन्। बाजुराकाे एक मात्र कर्णाली पारीकाे स्थानीय तह स्वामिकार्तिक खापर गाउँपालिका ।जहाँ बर्षेनी सवारी-साधन फेरीकै भरमा चल्ने गरेका छन्।सिंगाे पालिकाभर चल्ने सवारी-साधनलाई फेरीकै भरले वारपार गर्नु पर्ने अवस्था छ।

स्वामीकार्तिक खापर र जगनाथ गाउँपालिकाको बिचमा पर्ने कर्णाली नदीमा पक्की पुल निर्माण नहुँदा स्वामिकार्तिकमा चल्ने सवारी-साधन बर्षेनी फेरीकै भरमा पर्ने गरेका छन्।
पालिकामा सवारी-साधनलाई वारपार गर्न सहज हाेस् भनेर पालिकाले कर्णाली नदीमा फेरी सञ्चालनमा ल्याएको थियो ।

सञ्चालनमा रहेकाे फेरी हिउँदकाे समयमा राम्रोसँग चल्ने गरेकाे भए पनि बर्षातकाे समयमा पुर्ण रुपमा बन्द हुने गरेकाे छ। जसले गर्दा यहाँका नागरिकलाई बर्षेनी बर्षातकाे समयमा समस्या हुँदै आएकाे छ। बर्षातमा फेरी बन्द हुँदा पालिकाभर सवारी-साधन ठप्प हुनुका साथै सडक समेत सुनसान बन्ने गरेका छन्।

कर्णाली नदीमा पक्की पुल नहुँदा पालिकामा चल्ने सवारी-साधन फेरीकै भरमा चल्नु पर्ने बाध्यता रहेकाे स्वामिकार्तिक खापर गाउँपालिका वडा.नम्बर ३ जुकुका स्थानीय धृष्टप्रशाद न्याैपानेले बताए।हिउँदमा सहज भए पनि बर्षातकाे समयमा सवारीसाधनलाई निकै सास्ती हुने गरेकाे उनकाे भनाई छ।

बर्षातकाे समयमा गाडी नचल्दा गाउँमा उपभाेग्य सामाग्री पुर्याउन समेत सकस हुने गरेकाे उनले बताए। पिठ्युँमा भारी बोकेर झाेलुङ्गे पुलको सहायताले दैनिक उपभाेग्य सामाग्री ढुवानी गर्नु पर्ने अवस्था रहेकाे उनकाे भनाई छ। पक्की पुल निर्माणकाे लागी स्थानीयले पटक-पटक माग गरे पनि मागकाे सुनुवाइ भने हुन नसकेकाे न्याैपानेले जानकारी दिएका छन्।

२०७७ मा सञ्चालनमा आएकाे फेरीले यहाँका नागरिककाे
जीवनशैली वदलिएकाे छ।फेरि सञ्चालन नहुनु पुर्व यहाँका स्थानीय पैदल यात्रा गरेर सामान ढुवानी गर्दै आएका थिए।अहिले फेरि सञ्चालन पछि हिउँदकाे समयमा दैनिक उपभोग्य सामग्री ढुवानीमा सहज भएको छ ।फेरिले यहाँका अधिकांश
गाउँबस्ती सडक सञ्जालको पहुँचमा रहेका छन् ।

नदीमा पक्की पुल नहुँदा यहाँका नागरिकलाई थाेरै भए पनि राहत मिलाेस् भन्ने उदेश्यका साथ फेरी सञ्चालन गरिएको स्वामिकार्तिक खापर गाउँपालिकाका अध्यक्ष भरत बहादुर राेकायाले बताए ।फेरीकै सहायताले सिंगाे पालिकाका विभित्र वडामा सडक-सञ्चालकाे पहुँच पुगेकाे उनकाे भनाई छ।बर्षातमा समस्या भए पनि हिउँदकाे समयमा फेरिले निकै सहजता प्रदान गर्ने गरेकाे अध्यक्षले राेकायाले बताए ।

फेरीकाे सहायताले पालिकामा जिप,ट्याक्टर चलेपछि स्थानीयकाे जीवनशैली समेत बदलिएको अध्यक्ष राेकायाकाे भनाई छ। फेरी नै पालिकाका नागरिककाे लागी वरदान सावित भएको राेकायाले जानकारी दिए। पक्की पुल निर्माणका लागी प्रदेश तथा संघीय सरकार संग समन्वय तथा पहल भईरहेकाे उनले बताएका छन्।

स्वामिकार्तिक खापर गाउँपालिका कर्णाली नदि पारीकाे पालिकाे हाे।फेरीकै सहायताले अहिले यहाँका अधिकाशंं गाउँ-बस्तीमा सडक पुगेकाे छ। ती सडकमा हिउँदको समयमा सहज रुपमा गाडी गुड्ने गरेका छन्। बर्षातकाे समयमा फेरी बन्द हुँदा सवारी-साधन समेत बन्द हुने गरेका छन्।बर्षातकाे बेला सबै सवारी-साधन जगन्नाथ गाउँपालिकाकाे पीलिचौर बजारमा राेकिने गरेका छन्।