स्वामिकार्तिकमा विद्यालय पोशाक तथा अन्य सहयाेग सामाग्री वितरण

बाजुरा: स्वामिकार्तिक खापर गाउँपालिकामा विद्यालय पाेशाक तथा सहयाेग सामाग्री वितरण गरिएको छ । यहाँका विभिन्न विद्यालयमा अध्ययनरत विद्यार्थी,किशाेरी समूह लगायतलाई सहयाेग सामाग्री वितरण गरिएको हाे।

लायन्सक्लब द्वारा यहाँकाे शम्भु सुनन्दा माध्यमिक विद्यालय, सूर्योदय आधारभूत विद्यालय र भैरवनाथ माध्यमिक विद्यालयका छात्र/ छात्राहरुलाई न्यानो लुगा बितरण गरिएकाे हाे ।

त्यस्तै आज स्वामिकार्तिक खापर गाउपालिका वडा नम्बर १ को मण्डाली माध्यमिक विद्यालय र मण्डाली आधारभुत विद्यालय (मुक्तिकोट) का विद्यार्थीहरूलाई विद्यालय स्वीटर ५१५ र झोला ५१५ र वितरण गरिने भएको छ।

साथै लायन्स क्लबले १२ वर्ष देखि १९ वर्ष सम्मका किशोरीलाई महिनावारीको बेला प्रयोग गरिने डिग्निटि कीट,२०० , न्यानो लुगा,टोपी २१५ ,ट्रर्याकसुट ५१५ वटा वितरण गरिएको लायन्स क्वलकी अध्यक्ष रञ्जु थापाले बताएकी छन्।

उनका अनुसार, कुपोषण न्युनिकरण गर्नाको लागि शिशु भएका महिलालाई ४० किलो लिटाे समेत बितरण गरिएकाे हाे। गरिब तथा एकल महिला हरुलाई ३० थान बल्याङकेट
समेत वितरण गरिएको उनकाे भनाइ छ।

लायन्स क्लब अफ काठमाडौं द्वारा “बाजुरा सपोर्ट प्रोजेक्ट” अन्तर्गत “Hope Beyond Hills: Supporting Bajura’s Women & Students” भन्ने मूल नाराका साथ विद्यालय पोशाक तथा अन्य सहयाेग सामाग्री वितरण गरिएको हाे।

विद्यालय पोशाक तथा अन्य सहयाेग सामाग्री वितरण कार्यक्रमकाे उद्घाटन स्वामिकार्तिक खापर गाउपालिका अध्यक्ष भरत रोकायाले गर्नुभएको थियो । शम्भु सुनन्दा मावि जुकोटका प्रधानाध्यापक पुष्प शाहीले स्वागत मन्तव्य राख्नु भएको थियाे।

कार्यक्रममा लायन्स क्वलकी अध्यक्ष रञ्जु थापा ,लायन्स क्वलको संस्थापक अध्यक्ष सुनिता मरहट्ठा शर्मा , राष्ट्रिय सुचना आयोगका आयुक्त तथा लायन्स क्लव सदस्य कमला वली लगायत ८ जना लायन्स क्वलका पदाधिकारीको उपस्थिति रहेको थियो ।

लायन्स इन्टरनेशनल डिस्टिक्ट ३२५ के (MD 325) नेपाल, लायन वर्ष २०२५–२०२६ अन्तर्गत सञ्चालन भएको यस कार्यक्रमले दुर्गम क्षेत्रका विद्यार्थीहरूकाे शिक्षा प्रती उत्साह जगाउने गरेकाे छ ।