बुढीगंगा बाजुरा जिल्लाकै उत्कृष्ट पालिका,सुदूरपश्चिममै दोस्रो

बाजुरा: स्थानीय तह संस्थागत क्षमता स्वमूल्याङ्कन (लिजा) काे नतिजा अनुसार बाजुराकाे बुढीगंगा नगरपालिका सुदुरपश्चिम प्रदेशमै दोस्रो बनेकाे छ ।

कैलालीको घोडाघोडी नगरपालिका पछी बाजुराकाे बुढीगंगा दोस्रो स्थानमा आएकाे हाे । घोडाघोडी नगरपालिकाले
८५ दशमलव ५० अंक ल्याएकाे छ भने बुढीगंगाले ८४ दशमलव २५ अंक ल्याएकाे हाे ।

बाजुराका ९ स्थानीय तहमध्ये बुढीगंगा नगरपालिकाले उत्कृष्ट अंक ल्याउदैँ लगातार दोस्रो पटक उत्कृष्ट बनेकाे हाे ।२०७९।८० मा बुढीगंगाले ८४ दशमलव ५० अंक ल्याएर जिल्लाकै पहिलाे र सुदूरपश्चिम प्रदेशकै तेस्रो स्थान प्राप्त गर्न सफल भएको थियो ।

संस्थागत क्षमता स्वमूल्याङ्कन नतिजाका आधारमा ९ वटा स्थानीय तह मध्ये सबैभन्दा कमजोर बुढीनन्दा नगरपालिका रहेकाे छ । बुढीनन्दाले ६१ दशमलव ७५ अंक ल्याएर अन्य पालिकाकाे भन्दा पछी परेकाे हाे ।

त्यस्तै बडीमालिका नगरपालिकाले ८३ दशमलव ५० अंक ल्याएर जिल्लामा दोस्रो भएको छ भने जगन्नाथ गाउँपालिकाले ८१ दशमलव ५० ल्याएर तेस्रो हुन सफल भएको छ । स्वामीकार्तिक खापर गाउँपालिकाले ८१, हिमाली गाउँपालिकाले ७५ दशमलव ५०, त्रिवेणीले ७४ दशमलव ७५, खप्तड छेडेदहले ७३ दशमलव ५० र गौमुलले ६९ दशमलव ५० अंक हासिल गरेका छन्।

मन्त्रालयकाे आर्थिक बर्ष २०८०/०८१ को स्थानीय तह संस्थागत क्षमता स्वमूल्याङ्कन (लिजा) को नतिजा सार्वजनिक भएको छ ।संघीय मामिला तथा सामान्य प्रशासन मन्त्रालयले शुक्रवार एक कार्यक्रमविच स्वमूल्याङ्कनको अन्तिम नतिजा सार्वजनिक गरेको हाे।