स्थानीयसहित सुरक्षाकर्मीको को सकुशल उद्धार

बाजुराः कर्णाली पारि रहेको जिल्लाको पुर्वि उत्तरी भेगमा रहेको स्वामीकार्तिक खापर गाउँपालिकामा भीरबाट लडेका युवकको उद्धार गर्न गएका स्थानीय तथा सुरक्षाकर्मीको सकुशल उद्धार गरिएको छ ।

भीरबाट लडेका भण्डारीको उद्धारका लागि गएका सोही गाउँका ८ जना स्थानीयसहित सुरक्षाकर्मीहरु रातभर भीरको तल कर्णाली नदीको किनारामा आगो तापेर रोकिएका थिए । कर्णाली नदीमा माछा मार्न गएका र घर फर्कने क्रममा वडा नम्बर २ का पुसे भण्डारीको भीरबाट लडेर मृत्यु भएको थियो ।

जिल्ला प्रहरी कार्यालय बाजुराले उद्धारमा गएका स्थानीय र प्रहरीको सोमवार बिहान करिब ११ बजे हिमाली गाउँपालिकाको धुलाचौरबाट र्‍याप्टिङ ल्याएर सकुशल उद्धार गरिएको जनाएको छ ।