ट्रक दुर्घटना

बाजुरा: जिल्लाकाे जगन्नाथ गाउँपालिकामा आइतबार ट्रक दुर्घटना भएको छ । नेपालगञ्जबाट हुम्ला जादै गरेको मालबाहक ट्रक सोही पालिकाको वडा नं.२ नुनेपानी भन्ने ठाउँमा अनियन्त्रित भएर सडकमा पल्टिएकाे प्रहरीले बताएको छ।

मुगु जिल्लाको खत्याड गाउँपालिका घर भएका चालक उज्ज्वल रावलले चलाएको भे.१ ख.२४४५ नम्बरको ट्रक बाटो साँघुरोका कारण अनियन्त्रित भई सडकमै पल्टिएको जिल्ला प्रहरी कार्यालय बाजुराले जनाएको छ ।

ट्रक सडकमै पल्टिएकाले बाटो अवरुद्ध भएकोले अबरुद्ध बाटाे खुलाउन जुड्डी प्रहरी चौकीबाट प्रहरीको टोली घटनास्थलमा गई स्काइभेटरले सडक खुलाउँने काम भईरहेको छ ।