बाजुराका कांग्रेस नेताहरू मुख्य मन्त्री कार्यालयमा, मुख्य मन्त्री शाह संग भेटवार्ता

मिन बहादुर खड्का बाजुरा – नेपाली कांग्रेसका नेताहरु जिल्लाको बिकासमा प्रदेश सरकारले चासो देखाउनुपर्ने माग सहित सुदुरपश्चिम प्रदेश सरकारको कार्यालय पुगेका छन् । सुदुरपश्चिम प्रदेश सरकारको कार्यालय धनगढी कैलाली पुगेका नेताहरूले प्रदेश सरकारका मुख्य मन्त्री कमल बहादुर शाह संग भेटवार्ता समेत गरेका छन् ।

पुर्वाधार बिकासमा सुदुरका अन्य जिल्लाको तुलनामा अझै पछाडि रहेको दुर्गम अनि बिकट बाजुराको बिकास लगायतका समसामयिक बिषयमा छलफल भएको नेपाली कांग्रेस जिल्ला कार्य समिति बाजुराले जनाएको छ । राज्यको नजरमा पर्न नसकेको राज्यले नै सौतेनी व्यवाहार गर्दै आएको हुँदा सुदुरपश्चिम प्रदेश सरकारले बाजुराको बिकासका सवालमा चासो देखाउनुपर्ने माग नेताहरूले गरेका हुन् । यतिमात्र होइन ज्ञापन पत्र मार्फत जिल्लको बिकासमा ध्यान दिन मुख्य मन्त्री शाहको ध्यानाकर्षण समेत गराएका छन् । ज्ञापन पत्रमा समग्र जिल्लाको समस्या उल्लेख छन् । जिल्ला बासीका समाधानका लागि प्रदेस सरकार जिम्मेवार हुनुपर्ने माग ज्ञापन पत्र मार्फत राखेका छन् ।

बाजुरेली जनताको सधै साथमा रहेको नेपाली कांग्रेस पार्टी रहेको हुँदा जिल्ला बासिका समग्र समस्याका बारेमा मुख्य मन्त्री शाह संग भेटवार्तामा कुराकानी भएको कांग्रेस जिल्ला कार्य समिति सभापति रामसिंह रावलले बताएका छन् ।बाजुरा भेटमा मुख्य मन्त्री शाहले जिल्लाको बिकासका सन्दर्भमा सकारात्मक देखिएको र सोही अनुसारको सकारात्मक प्रतिक्रिया दिएको बताइएको छ ।

बाजुराको समग्र बिकासका लागि जिल्लाका एक दर्जन भन्दा बढी नेताहरु मुख्य मन्त्रीको कार्यालय पुगेका थिए । सुदुरपश्चिम प्रदेश सभा सदस्य माननीय महिला नेतृ जुना दानी नेतृत्वमा जिल्ला कार्य समिति सभापति रामसिंह रावल, निवर्तमान भुमी सुधार सहायक मन्त्री जनकराज गिरि,निवर्तमान पार्टी सभापति कबिराज पण्डित, उपसभापति पदम बडुवाल, युवा नेता चक्र बहादुर शाह, प्रदेश सभा सदस्य धनराज पण्डित ,राधिका सिंह ,जिल्ला कार्य समिती सहसचिव सुरेन्द्र सिंह लगायतका नेताहरू मुख्य मन्त्रीको कार्यालयमा पुगेका हुन् ।