प्रदेश साँसद शाही र प्रजिअ अधिकारी बिच भेटघाट के के भयो त बिच छलफल ?

बाजुरा- गत मंसिर चार गते सम्पन्न प्रतिनिधि सभा तथा प्रदेश सभा निर्वाचनबाट बाजुरा प्रदेश सभा क्षत्र नं १ बाट प्रदेश सभा सदस्यमा निर्वाचित साँसद  नरेश बहादुर शाही र प्रमुख जिल्ला अधिकारी बिच भेटघाट भएको छ । साँसद शाही प्रजिअ अधिकारीलाई भेट्न जिल्ला प्रशासन कार्यालय बाजुरा पुग्नु भएको हो ।
प्रजिअ अधिकारी संगको भेटघाटमा जिल्लाकोे कोल्टि क्षेत्रमा इलाका प्रशासन स्थापनाका बिषयमा छलफल भएको छ । जिल्लाको पुर्वोउत्तरी क्षेत्रका चारवटा पालिकालाई नागरिकता देखी प्रशासन बाट लिने सेवा सुबिधा बाट टाढा रहेको भन्दै सांसद शाही प्रमुख जिल्ला अधिकारी कहाँ पुग्नु भएको थियो ।सांसद शाहीले जिल्ला प्रशासन बाट इलाका प्रशासन स्थापना गर्नका लागि पहल गर्न प्रमुख जिल्ला अधिकारीलाई निर्देशन दिनु भएको छ ।
शाहीले आफ्नो क्षेत्र बाट पहल गर्ने जिल्ला प्रशासन कार्यलय बाट गर्ने पहल कदमी गर्न प्रजिलाइ छलफलका क्रममा भन्नुभएको छ । प्रमुख जिल्ला अधिकारी प्रकाश चन्द अधिकारीले इलाका प्रशासन स्थापना गर्नका लागि आफ्नो क्षेत्र बाट पहल गर्ने बताउनुभयो । प्रमुख जिल्ला अधिकारी सँगै छलफलमा मार्तडी कोल्टि सडकखण्डको दानसागु र अनाइखोलामा बेलिब्रिजको स्थापनाका लागि पहल हुनुपर्ने लगायतका बिषयमा शाहीले छलफल गर्नुभएको हो । त्यस्तै मार्तडी कोल्टि सडकखण्डमा भाडा ब्यबस्थापन, उत्तरी क्षेत्रमा टेलिफोन ब्यबस्थापन, राष्ट्रिय बिद्युक्त प्रशारण लाईन बिस्तारका बारेमा छलफल भएको समाजवादीका निकट एक श्रोतले जनाएको छ ।