लडेर गम्भिर चाेट लागेका ४ बर्षिया टुहुरा बालकको उपचारमा समस्या

मिन बहादुर खड्का बाजुरा- जिल्लाको बुढिगंगा नगरपालिका वडा न. ४ का ४ बर्षिया रोशन नेपालीको उपचारमा समस्या भएको छ । उनि सोमवार राती आफ्नै घरको कौशीबाट लडेका थिए । घरको कोशीबाट लडेका उनको टाउको लगायत शरिरका बिभन्न ठाँउमा गम्भिर गम्भिर चोट लागेको थियो । लडेर गम्भिर चोट लागेका उनलाई आफन्तले उपचारका लागी बाजुरा स्वास्थ्य चौकी टाँटे ल्याएका थिए । उनको शरिरमा गम्भिर चोट लागेको कारण त्यहाँ उपचार सम्भव नहुने भन्दै अस्पतालले अछाम को बयलपाटा अस्पताल रिफर गरेको थियो ।
अस्पतालका अनुसार लडेर शरीर भरि गम्भिर चोट लागेका नेपाली टुहुरो बालक समेत रहेको खुलेको छ । उनको आमका बुवा नै छैनन् । उनलाई उनकी ठुली आमाले पालन पोषण गर्दै आइरहेकीय थिइन् । आमावुवा नभएका नेपालीलाई अस्पतालले रिफर गरेपनि त्यहाँसम्म जान गाडी भाडा समेत पाएका थिएनन् । उनलाई अस्पताल सम्म पुर्याउन समेत आर्थिक समस्या भएपछी बाजुरा स्वास्थ्य चौकि टाँटेका चिकित्सक खडक सबिष्टले आफ्नो सामाजिक संजालबाट सहयोगका लागी सवैलाई अपिल गरेपछी रु ४००० बाजुरा स्वास्थ्य चौकी टाँटे बाट र रु २६५० बुढिगंगा नगरपालिकान बाट सहयोग जुटाएर अहिले अछाम स्थित  बयलपाटा अस्पताल पठाएको पनि चिकित्सक खडक बिष्टले जानकारी दिएका छन् । उनको शरिरमा गम्भिर चोट लागेका कारण त्यहाँ पुयाएपनि उपचारमा थप समस्या हुन सक्म्ने भन्दै सवैले आफआफ्नो ठाँउबाट सहयोग गर्न अस्पतालका चिकित्सकहरुले अपिल गरेको छ ।