बुढिगंगा ३ को वडाध्यक्ष पदका लागि नेविसंघका पुर्व केन्द्रीय सदस्य रौलेको एकल उम्मेदवारी

बाजुरा – आसन्न बैशाख ३० गते हुने स्थानीय तहको निर्वाचनका लागि विभिन्न राजनितिक दलहरुले आफ्ना उम्मेदवार टुङ्गो लगाउन थालेको छ ।
वडास्तरबाट नै उम्मेदवारको छनोट गरी जिल्लामा पठाउन निर्देशन अनुसार बुढीगंगा नगरपालिका वडा नम्बर ३ को वडाध्यक्षका लागि नेपाली काँग्रेस बुढीगंगा ३ वडा कार्य समितिले अध्यक्ष पदका उम्मेदवार सहित सदस्यहरुको नाम सर्वसम्मत सिफारिस गरेको छ ।
वडा कार्य समितिले वडाध्यक्ष पदका लागि नेपाल विद्यार्थी संघका पुर्व केन्द्रीय सदस्य तथा युवा नेता गोरख बहादुर रौलेलाई सर्वसम्मत सिफारिस गरेको वडा सभापति छत्र रौलेले बताएका छन् ।
उनका अनुसार वडाध्यक्ष पदका लागि अन्य आकांक्षी भए पनि वडा कार्य समितिले उम्मेदवारहरुको आपसी समझदारी गरी सर्वसम्मत वडाध्यक्ष पदका उम्मेदवार रौलेलाई बनाएको बताए ।
वडाको विकास र सामाजिक रुपान्तरणमा युवाको नेतृत्व अग्रसर गर्नका लागि रौलेलाई वडाध्यक्ष पदका लागि सिफारिस गरिएको वडा सचिव हिक्मत अधिकारीले जानकारी दिएका छन् ।
किसान परिवारबाट हुर्किएर विद्यार्थीबाट राजनितिमा सुरुवात गरेका रौले सिद्धनाथ बहुमुखी क्याम्पस महेन्द्रनगरको नेविसंघबाट स्ववियु सभापति हुन् ।
२०७६ सालबाट सिद्धनाथ विज्ञान क्याम्पसबाट राजनितिक सुरुवात गरेका हुन् । उनी २०६८ देखि २०७१ सम्म सिद्धनाथ विज्ञान क्याम्पसको इकाई सभपति,२०७२ सालमा नेपाल विद्यार्थी संघ महेन्द्रनगर जिल्ला कार्य समिति सदस्य र २०७५ मा नेपाल विद्यार्थी संघ केन्द्रीय सदस्य समेत रहेको छन् ।
काँग्रेस भएकै कारण नेकपा एमालेका कार्यकर्ताले गरेको दमन शोषणको अन्तय गर्नका लागि वडाध्यक्ष पदको उम्मेदवार बनाउन सिफारिस नेपाली काँग्रेस बाजुरामा सिफारिस गरिएको सभापति रौलेले भने ।
राजनितिक क्षेत्रमा छोटो समयमा फड्को रौले २८ वर्षको उमेरमा वडाध्यक्ष पदको उम्मेदवार बनाएको सचिव अधिकारीले बताए । नयाँ सोच र नयाँ विचारका साथ वडाका नागरिकको समस्या र उनीहरुलाई जिवीकोपार्जन तथा आत्मनिर्भर बनाउने गरी वडाध्यक्ष पदको उम्मेदवार बनाएको वडा सभापति रौलेको भनाई रहेको छ ।
तत्कालिन ब्रह्मतोला गाविसमा भएका जिल्ला तथा राष्ट्रिय निर्वाचनमा काँग्रेस भएकै कारण नेकपा एमालेले स्वच्छ रुपमा मतदान गर्न नदिने,मतदातालाई धम्क्याउने गर्ने प्रर्वत्ती अन्त्य गर्न वडाले युवा नेता रहेको रौलेलाई अध्यक्ष पदको उम्मेदवार बनाएको नेपाली काँग्रेस बुढीगंगा ३ वडा कार्य समितिले जनाएको छ ।
नेकपा एमालेका केन्द्रीय सदस्य तथा प्रतिनिधी सभाका सदस्य लालबहादुर थापाको वडामा काँग्रेसलाई जित्न सहज छैन । वडामा नेपाली काँग्रेसबाट जयराज उपाध्याय र खडक अधिकारी २०७४ को स्थानीय तहको निर्वाचनमा एमालेका खडक अधिकारीले दुई सय बढी मतले जितेका थिए ।
अहिले पनि वडामा नेकपा एमालेको बर्चश्व रहेको छ । वडामा निपष्क्ष र धाधली रहित निर्वाचन भएमा नेपाली काँग्रेसले जित्ने सम्भावना छ । वडाको विकास र युवा नेतृत्वको अहिलेको आवश्यकता अनुसार निर्वाचन हार जित जे भएपनि स्वीकार गर्दै हरेक निर्वाचनमा नागरिकले भयरहित वातावरणमा स्वच्छ मतदान गर्न पाउनका लागि वडाध्यक्ष पदको उम्मेदवार बनेको गोरखबहादुर रौलेले बताएका छन् ।
पार्टी र विद्यार्थीका विभिन्न आन्दोलनबाट जेल समेत गएका हुन् । विद्यार्थीको हक स्थापित गर्नका लागि रौलेले विभिन्न आन्दोलनको अग्रमोर्चामा रहेर काम गरेको बताइएको छ ।