एमाले सचिवालय बैठक बस्दै : बादलको ‘विवादास्पद’ अभिव्यक्तिबारे छलफल हुने

काठमाडौँ  :  नेकपा ९एमाले० को केन्द्रीय सचिवालय बैठक आज बस्दै छ । ललितपुरको च्यासलस्थित पार्टी केन्द्रीय कार्यालयमा दिउँसो १ बजे बैठक बोलाइएको हो ।बैठकमा बिहीबारको प्रतिनिधि सभा बैठकमा संसदीय दलका नेता एवं पार्टी उपाध्यक्ष रामबहादुर थापा ‘बादल’ ले दिएको अभिव्यक्तिबारे मुख्य रूपमा छलफल हुने बताइएको छ । थापाको उक्त भाषणपछि एमालेभित्र ठूलो तरंग पैदा भएको छ ।

पार्टी उपाध्यक्ष विष्णुप्रसाद पौडेलले थापाको अभिव्यक्ति पार्टीको स्थापित नीति र मान्यताविपरीत रहेको भन्दै सचिवालय बैठकमा यसबारे गम्भीर छलफल हुने जानकारी दिएका छन् । पौडेलले बिहीबार सामाजिक सञ्जालमार्फत प्रतिक्रिया दिँदै प्रतिनिधि सभामा संसदीय दलका नेताको हैसियतले थापाले व्यक्त गरेका विचार पार्टीको आधिकारिक धारणा नभएको स्पष्ट पारेका थिए ।

आजको बैठकमा थापाको पछिल्लो राजनीतिक अडान र अभिव्यक्तिबाहेक अन्य समसामयिक राजनीतिक विषय र पार्टीको आन्तरिक कार्ययोजनाबारे पनि छलफल हुने कार्यतालिका छ । आधिकारिक नीतिभन्दा बाहिर गएर अभिव्यक्ति दिएको भन्दै नेतृत्व तहमा थापाको आलोचना भएपछि आजको बैठकलाई अर्थपूर्ण रूपमा हेरिएको छ ।