घरदैलो अभियानमा व्यस्त एमाले उम्मेदवार थापा

बाजुरा: आगामी फागुन २१ गते हुने प्रतिनिधि सभा सदस्य निर्वाचनकाे लागी एमाले बाजुराबाट उम्मेदवार बनेका नेता लाल बहादुर थापा यतिबेला घरदैलो अभियानमा व्यस्त छन्।

आउँदाे फागुन २१ गते सम्पन्न हुने प्रतिनिधि सभाकाे निर्वाचनमा आफ्नो बिजयी हासिल गनकाे लागि बाजुराका दुर्गम बस्तिमा रहेका मतदाताहरु संग नेता थापाले भाेटकाे अपिल गर्दै आएका छन्।

नेकपा (एमाले) बाजुराले प्रतिनिधि सभा सदस्य निर्वाचनलाई लक्षित गर्दै ९ वटै स्थानीय तहमा कार्यकर्ता भेला तथा चुनावी अभियान सञ्चालन गरेको छ । कार्यकर्ता संग भेटघाट र जनताका जनआकांक्षा सुन्न सिंगाे एमाले बाजुरा घरदैलाे अभियान गरिरहेकाे छ।

आगामी निर्वाचनमा एमाले बाजुराबाट उम्मेदवारी दिएका थापा निवर्तमान प्रतिनिधि सभा सदस्य समेत हुन्। पुन: पार्टीले थापालाई टिकट दिएपछि उनी पुन: निर्वाचनकाे लागी चुनावी मैदानमा उत्रिएका छन्। थापा अहिले गाउँ-गाउँ पुगेर जनतासंग प्रत्यक्ष सुख:दु:ख साटासाट गरिरहेका छन्।

२०७९ सालको प्रतिनिधिसभा सदस्य निर्वाचनमा पराजय भोगेकाे एमाले बाजुरा यसपटक निर्वाचन जित्ने दाउका साथ लागेकाे छ। २०७९ सालकाे प्रत्यक्षतर्फकाे प्रतिनिधि सभा निर्वाचनमा एमालेका कर्ण बहादुर थापा नेपाली कांग्रेसका ब्रदी पाण्डे संग पराजित भएका थिए।

समसामयिक राजनीतिक अवस्था, पार्टीको भावी रणनीति, आगामी निर्वाचनमा पार्टीको भूमिका तथा स्थानीय स्तरका समस्या र विकासका विषयमा यतिबेला एमाले बाजुराले गहन छलफल गरिरहेकाे छ। त्यस्तै थापाले पुन: आफूलाई विजयी हासिल गराउन जनताहरु संग मतकाे अपिल गर्दै आएका छन्।थापा संगै बाजुराबाट एक स्वतन्त्र सहित ६ जना चुनावी मैदानमा छन्।