बुढीगंगा नगरपालिका स्तरीय छैटौं राष्ट्रपति रनिङ शिल्ड: उपाधी भानाेदयकाे पाेल्टामा

बाजुरा: बाजुराकाे बुढीगंगा नगरपालिका स्तरीय छैटौं राष्ट्रपति रनिङ शिल्ड प्रतियाेगिता सम्पन्न भएको छ।पुष १० गतेदेखि सञ्चालन भएको उक्त प्रतियाेगिता आइतबार सम्पन्न भएको हाे।

पालिका भित्रका ८ वटा विद्यालयले सहभागिता भएको प्रतियाेगितामा उपाधी भने भानोदय माविले आफ्नो पाेल्टामा पारेकाे हाे। १२ स्वर्ण, ७ रजत, २ कायसहित २१ पदक प्राप्त गर्दै भानाेदयले शिल्ड जितको हो ।

त्यस्तै ७ स्वर्ण, ६ रजत, ४ कास्यसहित १७ पदनका साथ धुरालसैन मावि उपविजेता र ६ स्वर्ण, ४ रजत, १ कास्यसहित ११ पदकसहित त्रिशक्ति मावि तेस्रो भएको छ । प्रतियोगितामा विजेता, उपविजेता र तृतीय हुने विद्यालयलाई क्रमश: रनिङ शिल्ड, ट्रफि, मेडल र प्रमाणपत्र द्वारा पुरस्कृत गरिएको थियाे।

नगर प्रमुख राम बहादुर बानियाँले विजेता तथा सर्वोत्कृष्ट खेलाडीलाई ट्रफीले सम्मान गरेका थिए । नगरकाे खेल क्षेत्रकाे विकासमा कुनै कदम पछि नहटेकाे बताउँदै नगर प्रमुख बाँनियाले आगामी दिनहरुमा थप शसक्त भएर अघि बढ्ने बताए । साथै जिल्ला स्तरीय खेल प्रतियाेगितामा झनै बलियाे देखिने विश्वास व्यक्त गरेका छन् ।