प्रतिनिधि सभा निर्वाचन: बाजुरामा ८७ हजार बढी मतदाता,७७ वटा मतदानस्थल कायम

बाजुरा: बाजुरामा ८७ हजार बढी मतदाता संख्या कायम भएका छन्। आगामी फागुन २१ गतेका लागि तोकिएको प्रतिनिधिसभा सदस्य निर्वाचनका लागि ८७ हजार बढी मतदाता संख्या कायम भएका हुन्।

जिल्ला निर्वाचन कार्यालय बाजुराले जिल्लाका कुल ८७ हजार ८ सय ६१ जना मतदाता संख्या कायम भएका जनाएको छ। जसमा ४५ हजार ४ सय २८ पुरुष र ४२ हजार ४ सय ३१ महिला र अन्य २ जना मतदाता संख्या रहेका छन् ।

त्यस्तै, जिल्लामा हाल ७७ वटा मतदानस्थल र एक सय १८ वटा मतदान केन्द्र निर्धारण भएकाे निर्वाचन कार्यालय बाजुराका सूचना अधिकारी अंगत महतले जानकारी दिए।उनका अनुसार, ७ वटा मतदानस्थल र ६ वटा मतदान केन्द्र
थप भएकाे बताए ।

जिल्ला निर्वाचन कार्यालयले यस अघि मतदानस्थल र केन्द्र थपका लागि निर्वाचन आयोगमा सिफारिस गरेको थियो ।९ वटा स्थानीय तह रहेकाे बाजुरामा यसअघि ७० वटा मतदानस्थल र एक सय १२ वटा मतदान केन्द्र रहेका थिए ।

बाजुरामा सबैभन्दा बढि मतदाता भएको स्थल खप्तड छेडेहद ५ डाेगडी र सबैभन्दा कम हिमाली गाउँपालिका वडा नम्बर ३ रहेकाे छ। त्यहाँ क्रमश २ हजार ४ सय ६२ र ५ सय ४५ मतदाता रहेका छन्।