सदरमुकाम मार्तडीमा भीषण आगलागी,करोडौंकाे क्षती भएको अनुमान

बिजुलीको तार सर्ट हुँदा आगलागी भएको प्रारम्भिक अनुमान गरिएको छ ।आगलागीबाट करोडौं रूपैयाँको क्षति भएको प्रहरीकाे अनुमान छ । क्षतिकाे एकिन विवरण भने प्रहरीले संकलन गरिरहेकाे छ ।

बडीमालिका नगरपालिका-८ नयाँ बसपार्क जाने बाटाे जिउलामा सञ्चालनमा रहेको फर्निचर उद्योगमा आगलागी भएको हाे।आगलागीबाट ग्यारेज सहितकासम्पूर्ण  सामान जलेर नष्ट भएको जिल्ला प्रहरी कार्यालय बाजुराका प्रहरी निरिक्षक तथा सूचना अधिकारी लक्ष्मीराज जोशीले जानकारी दिए।

उनका अनुसार,सुरक्षाकर्मी,स्थानीय लगायत पत्रकारकाे सक्रियतामा आगो नियन्त्रण आएकाे बताएका छन्।क्षति संकलन गर्ने काम भईरहेकाे जाेशीले जानकारी दिए।बाजुरामा दिनप्रतिदिन आगलागीका घटनाहरु बढेपनि नियन्त्रणका लागि जिल्लामा एउटा पनि दमकल नहुँदा ठुलाे क्षतिकाे सामना गर्नुपर्ने बाध्यता छ।