बचतकाे मुख्य केन्द्र बीमा: शसक्त र सक्रिय रुपमा लाग्न आग्रह

बाजुरा: सन नेपाल लाईफ ईन्स्याेरेन्स कम्पनी लिमिटेड उपशाखा बाजुराकाे विमा अभिकर्ता (ADM) भेटघाट तथा पुर्नताजकिय कार्यक्रम सम्पन्न भएको छ।

सन नेपाल लाईफ उपशाखा मार्तडी बाजुराकाे आयोजनामा आयोजित अभिकर्ता भेटघाट तथा पुर्नताजकिय कार्यक्रम कम्पनीका सूदुरपश्चिम प्रदेश प्रमुख लक्ष्मीकान्त जाेशीकाे प्रमुख आतिथ्यमा सम्पन्न भएको हाे।

“सबैका लागी सुरक्षा, शिक्षा र समृद्धि” मुल सन्देश बाेकेकाे सन नेपाल लाइफ इन्स्योरेन्स कम्पनी लिमिटेड अन्तर्गत सदरमुकाम मार्तडीमा रहेकाे साे कम्पनीकाे उपशाखामा विमाका विभिन्न बिषयबस्तु माथी छलफल गर्दै अभिकर्ता भेटघाट तथा एकदिने समीक्षा कार्यक्रम सम्पन्न गरिएकाे हाे।

अभिकर्ता भेटघाट तथा समीक्षा कार्यक्रममा बिमा क्षेत्रकाे महत्व,यसले व्यक्तिगत जीवनमा पारेका प्रभाव,विमाबाट भविष्यकाे याेजना निर्माण,बाल विमा,जाेखिम न्युनिकरण, बिमा गर्ने प्रक्रिया लगाएतका विषयमा बिषयमा परामर्श गरिएको थियाे।कार्यक्रममा सूदुरपश्चिम प्रदेश प्रमुख लक्ष्मीकान्त जाेशीले बचतकाे मुख्य केन्द्र बीमा भएकोले शसक्त र सक्रिय रुपमा लाग्न आग्रह गरेका थिए ।

विमा जिवनकाे अपरिहार्य तत्व भएकोले यसलाई सबैले सदुपयोग गर्न आवश्यक रहेकाे बताउँदै उनले बीमा नै यस्तो साधन हाे,जसले बीमित वा बीमितको परिवारको आर्थिक सुरक्षाको रूपमा काम गर्ने गरेकाे प्रष्ट पारेका हुन्।साथै बाजुरा जिल्लाका नागरिकहरुलाई यस विमा कम्पनीमा आबद्ध गराउन उपस्थित अभिकर्ताहरुलाई आग्रह गरेका थिए ।

साथै निष्क्रिय अभिकर्तालाई सक्रिय बनाउने र ब्यतित भएका बीमालाइ पुर्नजागरण गर्ने गरि भेटघाट तथा समीक्षा कार्यक्रम गरिएको उनले बताएका हुन्। त्यस्तै प्रदेश उप-प्रमुख हर्क बहादुर बाेहराले कार्यक्रममा उपस्थिति अभिकर्ताहरुका बिच विमाकाे बारेमा खुलेर व्याख्या,विश्लेषण गरेका थिए।बीमा कम्पनीहरुले फाइदा र नाेक्सान वा जाेखिम दुबैमा असल कार्य गर्ने हुँदा विमा गर्न आवश्यक रहेकाे बताएका थिए।

बीमाले स्वयम व्यक्ति र भावी सन्ततिहरुलाई निकै फाइदा पुर्याउने हुँदा जीवन बीमालाई अझै प्रभावकारी बनाउनुपर्नेमा जोड दिएका थिए । साथै उनले फजुल खर्च गर्नुभन्दा जीवन बीमा गर्न र सक्रिय रुपमा बीमा गराउन अभिकर्ताहरुलाई आग्रह गरे ।कार्यक्रममा सहभागी अभिकर्ताहरुले विमा क्षेत्रका बिषयमा अझै प्रभावकारी रुपमा जान्न उपलब्धिमुलक तालिमकाे आवश्यकता रहेकाे बताएका थिए।

साथै उनीहरुले विमा गराउने व्यक्तिले पाउँनु पर्ने रकम समयमै पाउनु पर्ने माग सहित कम्पनीले विमा क्षेत्रका बिषयमा विभिन्न गतिविधि सञ्चालन गर्नुपर्ने कुरामा जाेड दिएका थिए । कार्यक्रममा थप विमा व्यवसाय सम्बन्धी र  सनमेडिकेयरकाे बिषयमा पनि छलफल तथा परामर्श गरिएको थियाे।भेटघाट तथा समीक्षा कार्यक्रममा अभिकर्ता सम्मान कार्यक्रम समेत गरिएको थियाे।सबै भन्दा बढी बीमा गराउने र उकृष्ट बीमित अभिकर्ताहरुलाइ उप शाखाले सम्मानित गरेकाे थियाे।

सन नेपाल लाइफ इन्स्योरेन्स कम्पनी सुदुरपश्चिम प्रदेश प्रमुख लक्ष्मीकान्त जैशीकाे प्रमुख आतिथ्यता सञ्चालन भएको अभिकर्ता भेटघाट तथा पुर्नताजकिय कार्यक्रममा प्रदेश उप-प्रमुख हर्क बहादुर बाेहरा,विमामा आबद्ध अभिकर्ता लगायत पत्रकारकाे सहभागीता थियाे। कार्यक्रमकाे सञ्चालन कार्यालयका कर्मचारी मान बहादुर ऐडीले गरेका थिए।