वडास्तरीय युवा सञ्जाद्वारा आयोजित भलिवल प्रतियाेगिता सम्पन्न

बाजुरा: वडास्तरीय युवा सञ्जाल बडीमालिका नगरपालिका १ नम्वर वडाकाे आयोजनामा आयोजित खुल्ला भलिवल प्रतियाेगिता सम्पन्न भएको छ।

राष्ट्रका लागी खेलकुद,स्वास्थ्यका लागी खेलकुद भन्ने मुल नारा सहित नेपालीहरुकाे महान चाड शुभदिपावलीकाे अवसरमा आयोजित उक्त खुल्ला पुरुष भलिवल प्रतियाेगिता आइतबार सम्पन्न भएको हाे।

प्रतियाेगितामा आयोजक टिम बडीमालिका १ ले उपाधी हात पारेकाे हाे । विजेता वनेकाे आयोजक टिमले नगद २० हजार ५ सय ५५ सहित प्रमाणप्रत्र प्राप्त गरेकाे छ। त्यस्तै प्रतियाेगितामा घाँगर युवा क्लव बडीमालिका २ द्वितिय बनेकाे छ ।

द्वितिय बनेकाे घाँगर युवा क्लवले नगद ९ हजार ५ सय ५५ सहित प्रमाणपत्र प्राप्त गरेकाे हाे।त्यस्तै दाजुभाई युवाक्लव बडीमालिका ५ तृतिय भएको हाे। तृतिय भएको दाजुभाई युवाक्लवले नगद ४ हजार ५ सय ५५ सहित प्रमाणपत्र प्राप्त गरेकाे हाे ।

प्रतियाेगितामा ११ टिम सहभागी थिए भने लिक र नकआउटबाट खेल खेलाईएकाे थियाे।खेल समापन कार्यक्रमकाे अन्त्यमा लाईफ देउडा कार्यक्रम समेत सञ्चालन गरिएको थियाे। लाईफ देउडामा जस्मिता खड्का र धर्म बहादुर कार्की विच घम्साघम्सी देउडा भएको थियाे।

खेल समापन कार्यक्रममा बाेल्दै कार्यक्रमकी प्रमुख अतिथि सुदूरपश्चिम प्रदेश सभा सदस्य जुना दानीले खेल क्षेत्र मानव स्वास्थ्य र राष्ट्रका लागी अत्यन्तै महत्त्वपूर्ण भएको बताएकी हुन्।खेलकुदले सामाजिक विकास तथा शान्तिको लागि ठूलो भूमिका खेल्ने हुँदा यसलाई अपनत्व गर्दै अगाडी बढ्नुपर्ने बताएकी हुन्।

खेलकुदले सबैलाई एकजुट बनाउन सक्नुका साथै आत्मबल, नेतृत्व क्षमता र काम गर्न सक्ने क्षमता बढाउने हुँदा बाजुराकाे खेल क्षेत्रलाई सबैले बढवा दिनुपर्ने दानीकाे भनाइ रहेकाे थियाे।सामाजिक नीति नियम लागु गर्न तथा परिवर्तनको लागि खेलकुद महत्त्वपूर्ण रहेकाे उनले बताईन्।साथै खेलाडीहरूलाई शुभकामना दिदैँ आगामी दिनहरुमा खेल क्षेत्रमा राम्रो प्रगति गर्न पनि आग्रह गर्नुभयाे।

वडास्तरिय युवा सञ्जालका अध्यक्ष राम वहादुर विककाे अध्यक्षतामा सञ्चालन भएको खेल समापन कार्यक्रमकाे प्रमुख अतिथि सुदरपश्चिम प्रदेश सभा सदस्य जुना दानी रहनु भएको थियाे। कार्यक्रममा बडीमालिका नगरपालिका वडा नम्बर १ का अध्यक्ष कृष्ण बहादुर कार्की,कार्यपालिका सदस्य बुदे ल्वार बिशिस्ट अतिथि रहनु भएको थियाे। कार्यक्रममा खेलप्रेमी खेलाडीका साथै अन्य स्थानीयकाे सहभागी रहेकाे थियाे ।भने कार्यक्रमकाे सञ्चालन शेर बहादुर उखेडाले गरेका थिए।