स्वामिकार्तिकमा : ऐनकाे व्यवस्था विपरीत कर्मचारी नियुक्त गरेर ९६ लाख बढि रकम अनियमितता

बाजुरा: बाजुराकाे स्वामिकार्तिक गाउँपालिकाले ऐन विपरीत कर्मचारी नियुक्त गरेर ९६ लाख बढि रमक अनियमितता गरेकाे पाईएकाे छ । महालेखापरिक्षक कार्यालयको २०८०÷८१ को लेखापरिक्षण प्रतिवेदन रिर्पोटका अनुसार गाउँपालिकाले उल्लेखित पदहरुमा बाहेक करारमा कर्मचारी नियुक्त गरि तलब भत्ता भुक्तानी गरेकाे जनाएको छ।

स्थानीय सरकार सञ्चालन ऐन,२०७४ काे दफा ८३(८) मा नगर प्रहरी,सवारी चालक,सयस,बगैचे,प्लम्बर,कार्यालय सहयाेगी,चाैकीदार,माली र सरसफाई लगायतका पद तथा सेवा बाहेकमा करार कर्मचारी नियुक्त गर्न पाईने व्यस्था छैन्। तर गाउँपालिकाले उल्लेखित पद बाहेक अन्य कर्मचारी नियुक्त गरि रकम अनियमिता गरेकाे हाे ।

महालेखापरिक्षक कार्यालयको प्रतिवेदन रिपोर्ट अनुसार गाउँपालिकाले ऐनमा व्यवस्था भए विपरित करार कर्मचारी नियुक्त गरेर ९६ लाख ४५ हजार ७ सय ७ रुपैयाँ तलब भत्ता भुक्तानी गरेकाे छ ।

पालिकाले उल्लेखित पदहरु बाहेक कानुन अधिकृत,ईन्जिनियर,सव-ईन्जिनियर,प्रशासन सहायक,प्रशासन चाैथाे,कम्प्युटर अपरेटर,खेल प्रशिक्षक,अमिन,भेडा हेरालु,लगायत विभिन्न पदमा आवश्यकता तथा स्वीकृत दरबन्दी भन्दा बढी कर्मचारी नियुक्त गरि साे रकम अनियमितता गरेकाे हाे ।

गाउँपालिकाले ऐनकाे व्यवस्था विपरीत कर्मचारी नियुक्त गरि भुक्तानी गर्ने कार्य नियमसम्मत नरहेकाे पाईएकाे हाे। गाउँपालिकामा आफ्ना आसेपासे,पावर र पहुँचका आधारमा नियम विपरीत कर्मचारी नियुक्त गरि रकम अनियमितता गरिएको हाे । गाउँपालिकाले सबैभन्दा बढि अनमी ४ जनाकाे लागी १३ लाख ८ हजार पाँच सय रकम तलब भत्तामा अनियमिता गरेकाे पाईएकाे छ ।

त्यस्तै क्रमश: सव-ईन्जिनियरकाे लागी ११ लाख,बीस हजार,प्रशासन चाैथाेकाे लागी ९ लाख ९० हजार,डाेजर चालक सहयोगीकाे लागी,९ लाख ५१ हजार,प्रशासन सहायकका लागी ७ लाख १२ हजार सात सय ५०,असिष्टेन्ट सव-ईन्जिनियरका लागी ६ लाख ७२ हजार पाँच सय,कानुन अधिकृतका लागी ५ लाख ७७ हजार ९ सय ५७,एम्बुलेन्स चालक सहयाेगीका लागी ५ लाख ६६ हजार,ईन्जिनियर ५ लाख ३० हजार,भेडा हेरालाकाे लागि ५ लाख १० हजार कम्प्युटर अपरेटर चार जनाका लागी ४ लाख र अमिन र सहायक कम्प्युटर अपरेटरका लागी ३ लाख ५४ हजार पाँच सय रुपैयाँ अनियमितता गरिएको छ।

आर्थिक अनियमितताले गर्दा स्वामिकार्तिक खापर गाउँपालिकामा पालिकाकाे पार्दशिता,शुशासन र जवाफदेहिता नभएको देखिएको छ।पालिकामा आफ्ना आसेपासे,पावर र पहुँचका आधारमा ऐन विपरीत कर्मचारी भर्ति गरेर साे रकम अनियमितता गरिएको देखिएकाे छ ।