जगन्नाथका विष्ट हप्ता दिन देखि मार्तडीमा अलपत्र,उद्धारको लागी विलौना

बाजुरा: बाजुराकाे जगन्नाथ गाउँपालिका वडा नम्बर १ डाडाँबाडा घर भएका राज बहादुर बिष्ट हप्ता दिन देखि मार्तडीमा अलपत्र परेका छन् ।

मार्तडीमा अलपत्र परे संगै उनकाे बिचल्ली भएको छ ।मार्तडीमा आफन्त पनि काेही नभएको बताउने उनलाई अहिले मार्तडीमा भाेकभाेकै बस्नुपर्ने बाध्यता छ ।

मार्तडीकाे खुलामञ्च,खेलकुद आसपास क्षेत्र उनकाे बासस्थान बनेकाे छ भने कसैले दिए खाने,नभए भाेकै सुत्नुपर्ने बाध्यता रहेकाे छ।

अलपत्र परेका पिडित विष्टका अनुसार,आफू गत साउन २० गते कामकाे सिलसिलामा डडेलधुरा गएकाे बताए ।त्यहाँ आफुले खाना पकाउने काम गर्ने गरेकाे बिष्टकाे भनाइ छ। एक दिन ट्रकले बाेकेर ल्याएकाे जाली मान्छे काेही नहुँदा अनलाेड नगराै भन्दा भन्दै अनलाेड गर्ने क्रमममा पछाडीबाट पल्टेर आफ्नो टाउको पुरै थिचिएकाे बिष्टले बताएका छन्।

टाउकाेमा चाेट लागेपश्चात प्रहरीले बयालपाटासम्म पुर्याएर उपचार गराई मार्तडीसम्म पुर्याउन सहयाेग गरिएको बुझिएकाे छ । माथी कालाे,तल हरियाे र काधँमा सेताे गलबन्दी लगाएका बिष्ट मार्तडीमा यतिवेला अलपत्र अवस्थामा रहेका छन्।

यता वडा अध्यक्ष गणेश राज गिरी संग टेलिफोनमा कुराकानी गरेर बुझ्दा बिष्टले दिनँहु घरमा जाँड रक्सि खाएर आमाबुबा,श्रीमती,छोराछोरी कुट्ने,हप्काउँने,गाउँका मान्छेले भनेको नटेर्ने, जहाँ पायो त्यहि जाने,अनि म अलपत्र परे भनेर विलौना गर्ने गरेको बताएका छन् । बिष्टलाई अहिलेसम्म पचास बढी ठाउँबाट अलपत्र परे भनेर उद्धार गरि ल्याइएको तर घरमा नबस्ने गरेको उनले बताए ।

घरमा काम गरेर जहान पाल्नुको सट्टा उल्टो पाल्नुपर्ने बाध्यता रहेको बताउँदै अध्यक्ष गिरीले घरका बुढा आमाबुबाले आफ्नो सामाजिक सुरक्षा भत्ताबाट कति ठाउँबाट उद्धार गरि ल्याइएको तर बिष्ट घरमा नबसी हरेक ठाउँमा गएर अलपत्र परे उद्धार गरिदिनु पर्यो भनेर विलौना गर्ने गरिएको बताएका छन् । बिष्टको घरको आर्थिक अवस्था निकै नाजुक रहेको छ । बस्नको लागी पनि स्थानीय सरकार द्धारा घर निमार्ण गरिएको बताइएको छ ।

उनको घर परिवारका अनुसार,बिष्टलाई हरेक ठाउँबाट उद्धार गरि घरमा ल्याउन सक्ने अबस्था नरहेको बुझिएको छ । उनलाई सकेसम्म प्रहरीको जिम्मा लगाई सुधार्न प्रयास गरिदिन उनका घरपरिवारले आग्रह गरेका छन्। घरमा आए फेरि परिवारको विचल्ली हुने हुँदा उनलाई बरु प्रहरीको जिम्मा लगाई सुधारको बाटोमा ल्याइदिन आग्रह गरेका हुन् । दिनहुँ जाँड रक्सि सेवन गरेर घरपरिवालाई झन दुख दिने गरेकोले घरकाले पनि उनको चासो गर्न छोडेको बुझिएको छ ।