बाजुरामा शान्ति सुरक्षाकाे स्थिति सामान्य,निषेधाज्ञा हटाईयाे

बाजुरा: बाजुरामा शान्ति सुरक्षाकाे स्थिति सामान्य बनेपछी शुक्रबारबाट जारी निषेधाज्ञा पनि हटाईएकाे छ ।२५ गतेबाट जारी कर्फ्यु विहिवार हटाई निषेधाज्ञा जारी गरिएको थियाे।

परिस्थिति सामान्य बनेपछी निषेधाज्ञा पनि हटाईएकाे जिल्ला प्रशासन कार्यालय बाजुराले जनाएकाे छ । प्रशासनले आजदेखि जारी निषेधाज्ञा एक सूचना मार्फत हटाईएकाे जनाएको छ।

प्रमुख जिल्ला अधिकारी गणेश प्रसाद पौडेलले जिल्लामा शान्ति सुव्यवस्था कायम गर्न भदौ २५ गते बिहान ११ बजेदेखि लगाइएको कर्फ्यु र शुक्रवारबाट जारी निषेधाज्ञा हटाइएको बताए । जिल्ला प्रशासन कार्यालयले जिल्लाभर हिजो अर्थात २७ गते बिहान ११ बजेदेखि बेलुकी ५ बजेसम्म निषेधाज्ञा आदेश जारी गरेको थियो ।

जिल्लामा शान्ति सुरक्षा कायम गर्दै जनजीवनलाई सामान्य बनाउन, सेवा सुचारु गर्न तथा बजार व्यवस्थालाई क्रमिक रुपमा चलायमान बनाउन सबैलाई सहयोगका लागि अनुरोध गरिएको प्रमुख जिल्ला अधिकारी गणेश प्रशाद पाैडेल द्वारा जारी सूचनामा भनिएकाे छ ।

यहीँ भदौ २३ र २४ गते काठमाडौं सहित देशभर जेनजी युवाहरुको आन्दोलनको घटना पश्चात् उत्पन्न असहज परिस्थितिलाई मध्यनजर गर्दै जिल्लामा पनि कर्फ्यु र निषेधाज्ञा जारी गरिएको थियो । प्रशासन कार्यालयले जिल्लाभर कर्फ्यु तथा निषेधाज्ञा हटाएसँगै सदरमुकाम मार्तडी लगायतका मुख्य बजारहरुमा चहलपहल बढ्नुका साथै जनजीवन सामान्य बन्दै गएको छ ।