गैसस महासंघ बाजुराकाे अधिवेशन सम्पन्न,अध्यक्षमा पुन: अधिकारी

बाजुरा: गैरसरकारी संस्था महासंघ बाजुराकाे १० औं अधिवेशन तथा २३ औं बार्षिक साधारण सभा मार्तडीमा सम्पन्न भएको छ ।मङ्गलबार संस्थाकाे १० औं अधिवेशन तथा २३ औं बार्षिक साधारण सभा बडीमालिका नगरपालिकाकाे सभाहलमा सम्पन्न भएको हाे।

संस्थाकाे अध्यक्षमा पुन: कृष्ण बहादुर अधिकारी दाेहाेरिएका छन्।१० औँ जिल्ला अधिबेशनबाट अधिकारी लगायतको नेतृत्व चयन भएको हाे। जसकाे उपा-अध्यक्षमा मोहनराज जैशी, सचिवमा धर्म बहादुर रोकाया, उप-सचिवमा उजा बिष्ट, कोषाध्यक्षमा शुसिला थापा लगायत ११ सदस्यिय समिति निर्बिरोध निवाचित भएका हुन्।

गैरसरकारी संस्था महासंघ बाजुराले आफ्नो १० औं अधिवेशन, २३ औं वार्षिक साधारण सभा,‘ स्थानीय याेजना,कानुन निर्माण र दिगाे विकास प्रक्रियामा नागरिक सहभागीता र पैरवी ’ भन्ने नाराका साथ सुरु गरेकाे थियाे।

मुख्यतः नागरिकको परोपकारी, सेवाभावमूलक, सहभागितामूलक र सशक्तीकरणका लागि जोड दिदै आएकाे यस संस्थाले कार्यस्तरका हिसाबले यिनीहरु समुदाय स्तरमा, स्थानीय स्तरमा, राष्ट्रिय स्तरमा र अन्तर्राष्ट्रिय स्तरमा रहेका हुन्छन् सबैको साझा उद्देश्य राष्ट्र निर्माण र समाज कल्याण यस संस्थाकाे मुख्य उदेश्य रहेकाे हुन्छ ।

नेपाल सरकारले गैरसरकारी संस्थालाई विकासका साझेदार मान्दै आएको छ । राज्यले गैससलाई विकासको अवसरको रुपमा ग्रहण गरे पनि देशको विकासको प्राथमिकता अनुसार प्रयोग गर्न सकेकाे छैन्।

गैरसरकारी संस्था महासंघ बाजुराका अध्यक्ष कृष्ण अधिकारीको अध्यक्षतामा संचालन भएको कार्यक्रमकाे प्रमुख अतिथि गैसस महासंघका केन्द्रीय अध्यक्ष अर्जुन भट्टराई रहनु भएको थियाे । त्यस्तै विशिष्ट अतिथीमा जिल्ला समसन्वय समिति प्रमुख तुलसीराम रोकाया, प्रमुख जिल्ला अधिकारी मेघनाथ पाध्या, गैसस महासंघ केन्द्रीय महासचिव देवी खड्का, उप महासचिव भवराज रेग्मी, गैसस महासंघ सुदुरपश्चिम प्रदेश ईर्न्चाज प्रेम महर र गैसस महासंघ सुदुरपश्चिम प्रदेश कमिटि अध्यक्ष देवी खनाल,नेपाली काङ्ग्रेस बाजुराका पार्टी उप- सभापति तथा निवर्तमान बडीमालिकाका नगर प्रमुख पदम बडुवाल,वर्तमान बडीमालिका नगरपालिकाका नगर प्रमुख अमर खड्का लगायत  रहनु भएको थियाे।

कार्यक्रममा जिल्ला स्थिति सञ्चार माध्यममा कार्यरत पत्रकार लगायत स्थानीयकाे सहभागीता रहेकाे थियाे भने कार्यक्रमकाे सञ्चालन गैसस महासंघ बाजुराका सचिव धर्म बहादुर रोकायाले गर्नु भएको थियाे।