बुढीगंगाको “समृद्धिका लागि विकास कचहरी”आजबाट

बाजुराः पछिल्लो समय जिल्लामै नयाँ कार्यको थालनी गर्दै गएको बुढिगङ्गा नगरपालिकाले नगरपालीकालाई “सुखी र समृद्ध” नगरपालिका बनाउने उद्देश्यका साथ “समृद्धिका लागि विकास कचहरी” कार्यक्रम २०८२ आजबाट सञ्चालन गर्दै छ । तिन दिन सम्म चल्ने उक्त कार्यक्रममा दलहरुबीचको आपसी सहकार्य र समृद्विको नारा दिएर  मनाईदै छ ।

पालिकाको समृद्वि र विकासका लागि नयाँ अभ्यास स्वरूप विकास बहस गर्न लागिएको नगर प्रमुख राम बहादुर बानियाँले बताए । आजबाट सुरु हुने कार्यक्रम २९ गतेसम्म चल्ने नगर प्रमुख रामबहादुर बाँनियाको भनाई छ । बिहान ११ बजेबाट औपचारीक रुपमा कार्यक्रम सुरु हुने छ । स्वास्थ्य, शिक्षा, कृषि, पर्यटन र सुरक्षित पूर्वाधारको सम्भावनालाई बढवा दिन कार्यक्रम गरिने र आगामी २० वर्षसम्मको स्वरूप तयार गर्ने गरि कार्यक्रमको आयोजना गरिएको नगर प्रमुख बानियाँले बताए ।

यस कार्यक्रमले बुढिगङ्गाको मात्रै नभई सिङ्गो बाजुराकै बिकाश समृद्धि ठुलो टेवा पुग्ने अपेक्षा आफुले लिएको बानियाँको भनाई छ । यसले व्यक्ति र समाजमा सकारात्मक प्रभाव पार्नुका साथै विकासमा महत्त्वपूर्ण सहयोग हुने उनले दावी गरे ।सबै राजनीतिक दल र सरोकारवालाहरूलाई एकै ठाउँमा ल्याएर बुढिगंगाको विकास र समृद्धिको अघि बढाउन ‘समृद्धिको आधारका लागि बुढीगंगा विकास कचहरी’ आयोजना गरिएको बानियाँले भने ।

“समृद्धिका लागि विकास कचहरी अवधारणा पत्र बनाई बाजुरा र नगरपालिकाको समग्र बिकासमा सहयोग पुग्ने अपेक्षा कतिपय स्थानीयले समेत लिएका छन्। सम्पूर्ण बुद्धिजीवी, समाजसेवी, राजनीतिक दल, सरकारी तथा गैरसरकारी संघ संस्थाका प्रतिनिधि, पत्रकार र विषयगत क्षेत्रका विज्ञद्वारा संबाद छलफल र बहस गरिने कार्यक्रमले बाजुरा र नगरपालिकाको विकासमा राम्रो छाप छोड्ने अपेक्षा सबैले लिएका छन्।

यस कार्यक्रमले अहिलेको समाजमा भईरहेका घटना-परिघटना, स्थानिय तहको विकास समृद्धि,लगायतका क्षेत्रहरुको सुधार गर्न बलियो खम्बाको रुपमा रहेर काम गर्ने अपेक्षा सबैमा छ । यो कार्य जिल्लामै नयाँ हो। अन्य पालिका कसैले पनि यस्तो कार्यको थालनी गर्न सकेका छैनन्।“समृद्धिका लागि विकास कचहरी” कार्यक्रम बुढिगङ्गाले जिल्लामै नयाँ कार्यको थालनी  गरेको हो ।