लामो समय पछाडी बुढीगंगाले पायो उप-सचिव स्तरको प्रशासकीय अधिकृत

बाजुराः बुढीगंगा नगरपालिकाले लामो समय पछाडी उपसचिव स्तरको प्रशासकीय अधिकृत पाएको छ । लामो समयदेखी निमित्त प्रशासकीय अधिकृतको भरमा चलेको नगरपालिकाले लामो समय पछाडी उपसचिव स्तरको प्रशासकीय अधिकृत पाएको हो ।

पालिकामा शाखा अधिकृत नरेन्द्र नाथले विगतका वर्षदेखि प्रशासकीय अधिकृत भएर काम गर्दै आएका थिए । स्थानीय सरकार संचालन ऐन अनुसार नगरपालिकामा उप सचिव र गाउँपालिकामा शाखा अधिकृत हुने व्यवस्था रहेको छ ।

लामो समय पछाडी उपसचिव स्तरको प्रशासकीय अधिकृत अम्मरराज जोशी प्रशासकीय अधिकृतको रुपमा आएका छन् । नगरपालिकामा प्रमुख प्रशासकीय अधिकृतका रुपमा खटिएका उपसचिव जोशीलाई आइतबार पालिकाले स्वागत गरेको हो ।

संघीय मामिला तथा सामान्य प्रशासन मन्त्रालयको २०८१ फागुन १ गतेको निर्णयअनुसार सरकारले जोशीलाई बुढीगंगाको प्रमुख प्रशासकीय अधिकृतको जिम्मेवारी दिएको थियो ।यसअघि निमित्तका भरमा सञ्चालन भइरहेको बुढीगंगा नगरपालिकाले अहिले प्रमुख प्रशासकीय अधिकृत पाएको छ ।