स्वामीकार्तिकमा भरुवा बन्दुक सहित दुई जना पक्राउ

असोज १०,बाजुराः जिल्लाको स्वामीकार्तिक खापर गाउँपालिकाबाट  भरुवा बन्दुक सहित दुई जना पक्राउ परेका छन् । पक्राउ पर्नेमा सोही गाउँपालिका–३ रिवडा बस्ने ४० वर्षीय धिरेन्द्र शाही र सोही वडाका ३० वर्षीय रमेश शाही रहेको जिल्ला प्रहरी कार्यालय बाजुराले जनाएको छ । खोजतलास गर्दा ओडार र छानामा शाहीद्धयले लुकाएर बन्दुक राखेको गोप्य सूचनाका आधारमा इलाका प्रहरी कार्यालय स्वामीकार्तिकबाट खटिएको टोलीले लुकाइ छिपाइ राखेका भरुवा बन्दुक बरामद गरी उनीहरुलाई पक्राउ गरेको जिल्ला प्रहरी कार्यालय बाजुराले जनाएको छ ।

ओडार र भैसी गोठको छानामा लुकाएर राखेको एक÷एक वटा बन्दुक बरामद गरी उनीहरुलाई पक्राउ गरेको बताइएको छ । पक्राउ परेका दुबै जनालाई हातहतियार सहित प्रहरी कार्यालयमा ल्याइएको छ । घटनाबारे प्रहरीले थप अनुसन्धान गरिरहेको छ ।