जगन्नाथ गाउँपालिकाको दोस्रो गाउँसभा तथा १३ औँ (बर्षे) अधिवेशन सम्पन्न

बाजुरा – जगन्नाथ गाउँपालिकाले दोस्रो गाउँसभा तथा १३ औँ बर्षे अधिवेशन सम्पन्न भएको छ ।गाउँसभामा सहभागिहरुले गाउँपालिकामा अधिकांश योजनाहरु संघ तथा प्रदेश सरकारका विभिन्न मन्त्रालयमार्फत गाउँपालिकामा निर्माण गरिने योजनाहरु वडा कार्यालय तथा गाउँ कार्यपालिकाको निणर्य विपरित कुनै निश्चित व्यक्ति, समुह र संस्थालाई लाभ हुने गरि मात्र आउने गरेका बताएका थिए ।

गाउँपालिकाको गाउँसभाले त्यस्ता गाउँपालिकाको सिफारिस विना आएका योजना कार्यान्वयन नगर्ने निर्णय गरेको छ । व्यक्तिगत स्वार्थ सिद्ध गर्ने गरि संघ र प्रदेशबाट ल्याउने योजनाहरु कार्यान्वयन नगर्ने गाउँपालिकाले जनाएको छ ।गाउँपालिकाको तेह्रौ गाउँसभाले त्यस्ता योजनाहरुको कार्य सम्पन्न भएता पनि सो कार्यको पालिकाको सिफारिस विना आएका योजनाहरु कार्यान्वयन नगर्ने लगायत गाउँसभाले १८ ओटा विधेयक समेत सर्वसम्मत पारित गरिएका गाउँपालिकाले जनाएको छ ।

त्यस्तै गाउँपालिकाको आर्थिक बर्ष ०७९।८०को निति तथा कार्यक्रममा उत्कृष्ट काम गर्न विद्यालय, स्वास्थ्य संस्था तथा कर्मचारीहरुलाई पुरिस्कृत समेत गरिएको गाउँपालिका अध्यक्ष कालीबहादुर शाहीले बताएका छन ।विद्यालय अन्तर्गत प्रथममा महाँदेव आधारभुत विद्यालय मनिकाँडा १० हजार, द्धितियमा भवानी आधारभुत विद्यालय पैंगाँउ ७ हजार र तृतियमा धवलपुरा आधारभुत विद्यालय लुमालाई ५ हजार नगद सहित सम्मानित भएको वडा नं पाँचका वडा अध्यक्ष गौरी सार्कीले बताए । गाउँ सभामा स्वास्थ्य इकाई अन्तर्गत प्रथममा सामुदायीक स्वास्थ्य इकाई वडा नं ५ लाई १० हजार, द्धितियमा हुनीमहती स्वास्थ्य चौकी वडा नं ३ लाई ७ हजार र तृतियमा सामुदायीक स्वास्थ्य इकाई वडा नं ६ डाँडाखर्क नगद ५ हजार सहित सम्मानित भएको उनले बताए ।

त्यस्तै उत्कृष्ठ गाउँपालिकामा कार्यारत कर्मचारीमा लेखा अधिकृत दिलिप कुमार शाही नगद ५ हजार, रोजगार संयोजक लक्ष्मण जोशी ५ हजार, इन्जिनियर विनोद कुमार शाही ५ हजार, प्रशासन सहायक पाँचौ राजेन्द्र प्रसाद जोशी ५ हजार, सुचना प्रविधि अधिकृत राजन शाही ५ हजारसहित सङ्गमानित भएका छन । यस्तै सि.अहेव सनत कुमार शाही ५ हजार,सेवा निबृत शिक्षक छविलाल बोगटी ५ हजार, अ।हे।व राजेश सार्की ३ हजार, स्टोर सहायक उब्ज सार्की ३ हजार, कार्यालय सहयोगी मिना गिरी कार्यालय २ हजार नगद सहित प्रशंसा पत्र, खादाले सम्मानित गरेको गाउँपालिकाले जनाएको छ ।