सामाजिक कुसंस्कार न्यनिकरण्का लागी एक दिने कार्यक्रम सम्पन्न

बाजरा- समाजमा रहेका हानीकारक अभ्यासहरु घरेलु हिंसा, छाउपडी प्रथा, बालविवाह, वहुविवाह, दाईजो प्रथा जस्ता सामाजिक कुसंस्कार न्यनिकरण्का सम्बन्धि एक दिने अन्तरक्रिया कार्यक्रम सम्पन्न भएको छ ।राष्ट्रिय महिला आयोगको आयोजनामा हानीकारक अभ्यास न्यूनिकरण सम्बन्धि एक दिने अन्तरक्रिया कार्यक्रम सम्पन्न भएको हो ।

राष्ट्रिय महिला आयोगले महिलाका सावलमा काम गर्दै आएको छ । कार्यक्रममा राष्ट्रिय महिला आयोगले गर्ने काम कार्वाही उजुरी उजुरी पश्चात कानूनिय कार्वाही जस्ता बिषय माथि छलफल गरिएको थियो ।छलफलका क्रममा नेपाल पत्रकार महासघ बाजुराका पूर्व अध्यक्ष मदनराज जैशीले राष्ट्रिय महिला आयोगले दुर्गमका महिलाहरुलाई समेत आयोगका काम अनुभुति हुने गरी देखिनु पर्ने बताउनु भयो । बाजुराका दुर्गम ठाउका महिलाहरु समाजमा बिद्यमान रहेका हिंसामा पर्ने गरेका भएपनि हिंसा पीडित महिलालाई थाहा नपाउन हिंसा सहेर बस्नु पर्ने बाध्यता रहदै आएको उहाँले बताउनु भयो ।

अर्का सहभागि अधिबक्ता हर्क खडायतले २०७२ सालबाट काम थालनि गरेको भएपनि २०८० सालमा महिला आयोगले यो काम गर्छ भन्दै दुर्गमका नागरिकले थाहा पाउनु दुखको कुरा रहेको बताउनु भयो । राष्ट्रिय महिला आयोगबाट बाजुरा मात्र टाढा सोचेको त बाजुराबाट राष्ट्रिय महिला आयोग पनि टाढा रहेछ अधिबक्ता खडायतले व्यङ्गे गर्दे भन्नुभयो । मानव सुचाङकका हिसावले देशकै सवैभन्दा पछाडी रहेको बाजुरा जिल्लालाई राष्ट्रिय महिला आयोगले पनि पछाडी राख्न नहुने अधिबक्ता खडाएतको भनाई थियो ।

महिला अधिकार मंचकी अध्यक्ष रुखमीणी शाहले राष्ट्रिय महिला आयोगले बाजुरा जस्ता देर्गमका हिंसा पिडीत महिलाहरुलाई बिशेष रुपमा हेर्न पर्नेमा जोड दिनुभयो । आफ्नो नेतृत्वमा सदरमुकाम मार्तडीमा सेभ हाउस संचालन गरिएको बताउनुहुँदै त्यसमा पनि राष्ट्रिय महिला आयोगको सहयोग हुनु पर्ने बताउनु भयो ।बाजुरामा मदिराका कारण घरेलु हिंसाका घटना बढी हुने गरेको उहाँको भनाई थियो ।राष्ट्रिय महिला आयोगले जिल्ला सदरमुकाम भन्दा पनि ग्रामणी क्षेत्रमै पुग्ने खालका कार्यक्रम सैचालन गर्नु पन कार्यक्रममा बोल्ने बक्ताहरुको भनाई थियो । हिंसामा परेका महिलाहरुले न्यायका लागी उजुरी दिएपनि न्याय दिने निकायमा राजनितिकरण हुने गरेको बताउनुभयो ।

पछिल्लो समयमा हरेक क्षेत्रमा राजनितिकरण गर्ने पबृतिले पनि महिला हिंसाका घटनाहरु बढदै गएको दानीको भनाई थियो । यि कारणहरुले पीडित महिलाहरुमा झन बढी पीडा सिर्जना हुने गरेको उहाँले बताउनुभयो । यस्को बिषयमा पनि राष्ट्रिय महिला आयोगले काम थालनी गर्नु पनमा दानीले जोड दिनुभएको छ। कार्यक्रममा जिल्ला स्थितर सरोकारवाला व्यक्तिहरुकोउपस्थिति रहेको थियो ।