फालासैनको मावल तताउन भोलि चर्चित लाइभ देउडा खेलाडी संकर मल्ल र चरित्रा शाही बिच देउडा हुँदै

मिन बहादुर खड्का /  बाजुरा-  फालासैनको मावल तताउन भोलि चर्चित लाइभ देउडा खेलाडी संकर मल्ल र चरित्रा शाही बिच लाइभ देउडा हुने भएको छ ।सुदुरपश्चिम् मा सार्वाधिक चर्चा बटुल्न सफल बाजुराको हिमाली गाउँपालिकाका संकर मल्ल र जगन्नाथ गाउँपालिकाकी हाल टिकापुर बसोबास गर्दै आएकी चर्चित लाइभ देउडा खेलाडी चरित्रा शाही बिच घमसाघमसी देउडा हुने भएको हो ।
बार्जु सभ्यताको पहिचान समृद्धिको सहयात्रा भन्नेमुल नाराका साथ सुदुर साहित्य प्रतिष्ठान बाजुरा द्वारा आयोजित प्रथम बार्जु महोत्सव यहीँ बैशाख २० गते देखि संचालन भएको थियो । आज महोत्सव सकिने भनिएको थियो । तर भोलि जेठ १ गते लाइभ देउडा संगै समापन गर्ने बताइएको छ । विशेष गरि सुदृरपश्चिममा खेलिने देउडा बाजुराको पनि प्रमुख सस्कृती हो । बार्जु सभ्यताको पहिचान जोगाउने र प्रमुख देउडा सस्कृतिको जगेर्ना गर्ने उदेश्यले नै महोत्सवमा लाइभ देउडा कार्यक्रम राखेको आयोजक सुदुर साहित्य प्रतिष्ठान बाजुराले जनाएको छ ।
बिगत लामो समय देखी सुदुरपश्चिम् तथा मध्य पश्चिममा आफ्नो उच्च छवि बनाई पहिचान बनाईसकेकी शाही र विशेष गरेर बाजुरा लगायत सुदुरका ९ वटै जिल्लामा पुगेर देउडा खेलेर जितेर समेत फर्किएका मल्ल बिच घमसाघमसी देउडा हुने भएको हो ।
महोत्सवमा दर्शकहरुको उपस्थिति दिन प्रतिदिन निरन्तर बढीरहेको छ । फालासैनको खेल मैदान प्याराफिट भरिने गरि दर्शकहरुको बाक्लो उपस्तिथिती हिजो र आज थियो । शुक्रबार गायक प्रकाश थापा लगायतका कलाकारको प्रस्तुती रहेको थियो भने आज लोक तथा दोहोरी गायक पशुपति शर्माको प्रस्तुती थियो । थापाको प्रस्तुतीले महोत्सवको अवधिभरकै सबैभन्दा बढी दर्शकको उपस्थिती रहेको थियो । यस्तै आज गायक पशुपति शर्माको प्रस्तितीले पनि हिजोको भन्दा बढी दर्शकहरुको भिड लागेको थियो ।
महोत्सवको भोलि अन्तिम दिनमा हुने लाइभ देउडा कार्यक्रमले पनि दर्शकहरुको उपस्थिति अझै बढ्ने अपेक्षा आयोजक कमिटीको छ । देउडा प्रमुख सस्कृती भएकाले पनि बृद्धबृद्दाहरु लगायत देउडा पारखीहरुको बढी उपस्तिथिती हुने देखिन्छ । भोलि नै महोत्सवको समापन समारोह पनि हुने आयोजक सुदुर साहित्य प्रतिष्ठानले जनाएको छ ।