होटेल तथा पर्यटन व्यावसायि संघबाजुराको अध्यक्षमा रोकाया

बाजुरा – होटेल तथा पर्यटन व्यावसायि संघ जिल्ला कार्य समिति बाजुराको अध्यक्षमा सत्य रोकाया सर्वसम्मत निर्वाचित हुनुभएको छ । होटेल तथा पर्यटन व्यावसायि संघको प्रथम अधिबेशन तथा दोश्रो साधारण सभाबाट अध्यक्षमा रोकाया रहने गरि ११ सदस्यीय कार्य समिति चयन गरिएको हो ।
यस्तै उपाध्यक्षमा हिरा साउद, सचिवमा गोरख बहादुर एडी, कोषाध्यक्षमा जलुदेवी रोकाया, सहसचिवमा सन्तोष नाथ, बरिस्ठ सदस्यमा कृष्ण बानियाँ अनिशा रोकाया, पदम बहादुर राना,तारा बम शाही, नरेन्द्र बुढा, कृष्ण रावल रहनुभएको छ । यस्तै प्रथम अधिबेशनबाट सल्लाहकार समिति पनि चयन गरिएको छ । सल्लाहकार समितिमा संयोजक धनबहादुर रोकाया, सदस्य अमृता सिंह, र शेर बहादुर खड्का हुनुहुन्छ । यहीँ चैत्र २० गतेबाट सुरु भएको प्रथम अधिबेशन तथा दोश्रो साधारण सभा हिजो सम्पन्न भएको हो। सर्वसम्मत नेतृत्व चयन गर्दा कार्य समिति चयनको टुङ्गो हिजो मात्र लागेको नवनिर्वाचित अध्यक्ष रोकायाले बताउनुभयो ।
होटेल व्यावसायि संघले होटेल व्यावसायिहरुलाई एकीकृत गर्ने, लगायत अन्य समाजिक कार्य समेत गर्दै आएको अध्यक्ष रोकायाको भनाई छ । होटेल व्यावसायिहरु पर्यटकहरु संग प्रत्यक्ष जोडिने हुँदा जिल्लाको पर्यटन प्रवद्धनका लागि आवस्यक पहल पनि होटेल तथा पर्यटन व्यावसायि संघको उदेश्य रहेको पनि उहाँले बताउनुभयो ।