जगन्नाथ गाउँपालिकामा आजबाट निशुल्क रेविज खोप शिविर हुदै

बाजुरा – जगन्नाथ गाउँपालिकामा आजबाट निशुल्क रेविज खोप शिविर सञ्चालन हुँदैछ ।

गाउँपालिकाको कार्यालयका अनुसार गाउँपालिकाको पशु सेवा शाखाद्धारा आजदेखि २९ गतेसम्म शिविर सञ्चालन हुनेछ। गाउँपालिकामा रहेका घरपालुवा जनावरका लागि पशु सेवा शाखाको आयोजनामा शिबिरको आयोजना गरिने पशु सेवा शाखाका प्रमुख नर बहादुर बुढाले जानकारी दिए ।

गाउँपालिका भित्र रहेका सम्पूणर् घरपालुवा तथा कुकुरहरुलाई रेविज रोग विरुद्ध निशुल्क खोप लगाइने शाखा प्रमुख बुढाले बताए । रेविज खोप शिविरमा पहिलो चरणमा गाउँपालिकाको वडा नंः ५ को वडा कार्यालय खोर्दामाडूमा पुष २६ गते, वडा नंः६ को वडा कार्यालय डाडाखर्कमा २७ गते सञ्चालन हुने भएको छ ।

त्यस्तै वडा नंः४को वडा कार्यालयमा २८ गते र वडा नंः ३ को डाडाबाडामा २९ गते शिविर सञ्चालन हुने गाँयपालिकाको कार्यालयले जनाएको छ ।