अर्को बर्षातमा बैकल्पिक सडकबाट यात्रुहरूले यात्रा गर्नेछन् – नगर प्रमुख बानियाँ

मिन बहादुर खड्का बाजुरा – जिल्लाको बुढिगंगा नगरपालिकाका नगरप्रमुख राम बहादुर बानियाँले अर्को बर्षको बर्षातमा बैकल्पिक सडकबाटै यात्रुहरूले आवतजावत गर्ने बताएका छन् । रेडियो पौरखीको पौरखी बहस कार्यक्रममा बोल्दै प्रमुख बानियाँले यस्तो बताएका हुन् । प्रमुख बानियाँ आफ्नै पहलमा सुरु भएको बैकल्पिक सडक खण्ड खोल्ने प्रयासमा असफल भएपछि उनि एकपटक निकै आलोचित बनेका थिए । उनले सडक एक साताभित्र खोल्ने आश्वासन दिएका थिए तर हाल सम्म उक्त सडक खण्ड अलपत्र छ ।

यि लगायतका अन्य बिषयमा प्रमुख बानियाँ पटक पटक आलोचित बन्दै आएका छन् ।बुधबार बिहान नगर प्रमुख बानियाँ संग उनि माथि लगाइएका आरोपहरुका बिषयमा र नगरपालिकाले अघि सारेका निति तथा कार्यक्रमका बिषयमा कुराकानी भएको थियो । नगर प्रमुख बानियाँले कुराकानीमा प्रतिपक्षले लगाउने आरोपहरु सत प्रतिसत झुट भएको दावी गरेका छन् । उनले सहि कामको समेत मुल्यांकन नगरी बिरोधको पछि मात्र लाग्न उचित नहुने बताउदै अनावश्यक आलोचना र बिरोध नगर्न समेत अनुरोध गरेका छन् । नगरपालिकाले समग्र नगर वासिको हित, नगरको बिकास समृद्ध नगर सुखी नगर बासी बनाउने संकल्पका साथ सोही अनुसारका निती तथा कार्यक्रमहरु अगाडि बढाइएको बताएका हुन् ।

आफु निर्वाचित भैसकेपछी बिगत पाँच बर्षको तुलनामा केही नयाँ कामहरूको थालनी भएको बताए । बिगत पाँच बर्षको अवधिमा नगरपालिकामा केही काम हुन नसकेको प्रमुख बानियाँको जिकिर थियो । आफुहरुले नगरपालिकामा समग्र हित हुने खालका कामहरूको थालनी गर्न एक आर्थिक बर्ष नबित्दै सफल भएको आफ्नो ठम्याई रहेको प्रमुख बानियाँको भनाई थियो । प्रमुख बानियाँले यस्तो बताएपनि उनी पटकपटक आलोचित बन्दै आएका छन् । आफु आलोचित बनेको भन्ने बिषयमा पनि उनले कार्यक्रममा प्रष्ट पारेका हुन् । निरन्तर चार बर्ष देखी अवरुद्ध हुँदै आएको साफे मार्तडी सडक खण्डको बिषयमा बोल्दै उनले जिल्ला वासिलाई नै उन्मुक्ति दिने गरेर निर्णय गरेको बताए । तर यसको पनि बिरोध गर्नु अनुचित भएको बताए । भनेको समयमा संचालनमा ल्याउन नसकिएको उनको भनाई छ ।

अर्को बर्षातमा बिगतका बर्षहरुमा जस्तै यात्रुलाई सास्ती खेप्नु नपर्ने पनि प्रमुख बानियाँको भनाई थियो । अव आउने बर्षातमा बैकल्पिक सडकको बाटो भएर यात्रा गर्नेछौं भन्ने कुरामा ढुक्क हुन आग्रह गरेका छन् । यस्तै नगरपालिकामा करार कर्मचारी म्याद थप नगरिएको बिषयमा बोल्दै प्रमुख बानियाँले राजनीति आस्था फरक भएकै कारण करार कर्मचारी हटाइएको भन्ने कुरा सत्य नभएको प्रमुख बानियाँको जिकिर छ । एकातिर नगरपालिकाको आर्थिक श्रोतको अभाव र अर्को तिर केहि कर्मचारीहरु नियमित रूपमा काममा नआउने, आएपनि दिउँसो नै मदिरा सेवन गरेर आउने लगायतका अराजक गतिविधि गर्न थालेपछि कर्मचारीको कार्य शलिलाई हेरेर म्याद थप नगरिएको बताएका छन् ।

यसमा राजनीतिकरण गरेको भन्ने कुरा आफुहरु माथि आरोप मात्र लगाइएको उनले बताए । अराजक गतिविधि गर्ने कर्मचारीलाई पटकपटक सम्झाउदा बुझाउदा समेत अटेरी गरेपछि म्याद थप नगरी हटाउने निर्णय कार्यपालिकामा बसेको बठकले सर्वसम्मत गरेको प्रमुख बानियाँको भनाई छ । अन्य पालिकाले जस्तो राजनीति पुर्वाग्रह गरी कर्मचारी नहटाएको उनको भनाई छ । सुरुमा नगर सभा होटेलमा गर्नुको कारण बारे बताउदै नगर प्रमुख बानियाँले नगरपालिकामा उपयुक्त हल नभएपछि होटेलमा आएर नगरसभा गरेको बताए । चुनाव खर्च असुल गर्न होटेलमा नगरसभा गरिएको भनेर अपवाह फैलाउनेहरुलाई अन्य ठाउँमा नगर सभा गरे भन्दा होटेलमा गर्दा झन कम खर्च भएको स्पष्ट पारेका छन् । उनले भने चुनाव खर्च असुल गर्न खोजेको भए अन्य ठाउँमा नगर सभा हुँदा पाँच लाख खर्च हुन्थ्यो भने हामीले तिन लाख खर्चमा नगर सभा सम्पन्न गरेका हौँ । अनि कहाँ कसरी चुनाव खर्च असुल भयो ? भन्दै प्रश्न गरे । यतिमात्र होइन प्रमुख बानियाँले जनता सामु गएर चुनाव पुर्व मत माग्दै गर्दा गरेका प्रतिबद्धताहरु जसरी पनि पुरा गर्ने प्रतिबद्धता जनाएका छन् ।

आफुलाई बिश्वास गरेर जनताले दिएको जनमतको सधै कदर गर्ने र सवैलाई समान व्यवाहार गर्ने उनको भनाई छ । नगरबाट प्रदान हुने सेवा सुबिधाको हकमा कुनै राजनीति पुर्वाग्रह नगर्ने र फरक पार्टीमा आस्थावान भएकै कारण सेवा सुबिधामा बिभेदिकरण आफ्नो तर्फबाट नहुने बताए । यस्तै प्रमुख बानियाँले पाँच बर्षको आफ्नो कार्यकालमा नगर भित्रका प्रत्येक बिद्यालयको भौतिक संरचना निर्माण संगै शिक्षाको गुणस्तरमा सुधार, स्वास्थ क्षेत्रमा सुधार, युवाहरूलाई स्वरोजगार तर्फ उनमुख, नगरको पुर्वाधार बिकासमा विशेष जोड , नगरवासिका आधारभूत आवश्यकताको पहिचान गरी सो अनुसारको आवस्यक परिपुर्ति, पर्यटन पर्वद्धन, विद्युत,खानेपानी, यातायात संचार र सिचाईको पहुँचमा पुर्याउने लगायत कामहरू हुने दावी गरेका हुन् । आफ्नो पाँच बर्षको कार्यकाललाई उपलब्धिमुलक कार्यकालका रुपमा स्थापित गर्ने उनको भनाई थियो । समग्रमा जिल्लाको बिकासको सवालमा जोड दिदै सवै स्थानीय तहहरु शसक्त हुनुपर्नेमा प्रमुख बानियाँले जोड दिएका छन् ।