सुदुर साहित्य प्रतिष्ठान बाजुराले सिर्जना बाचन कार्यक्रमको आयोजना गर्दै , केहि  सर्जकहरुको असन्तुष्टि  

मिन बहादुर खड्का बाजुरा – जिल्लामा गठित सुदुर साहित्य प्रतिष्ठानले नजिकिदै गरेको बिजयी तथा शुभ दिपावलीको अवसरमा सिर्जना बाचन कार्यक्रमको आयोजना गर्ने भएको छ । दशै तिहारको अवसरमा शुभकामना आदानप्रदान संगै सिर्जना बाचन कार्यक्रमको आयोजना गर्न लागेको हो ।

कार्यक्रम यहि अशोज १५ गते जिल्ला सदरमुकाम मार्तडीमा रहेको बडिमालिका नगरपालिकाको सभाहलमा हुने आयोजक सुदुर साहित्य प्रतिष्ठान बाजुराले जनाएको छ । प्रतिष्ठानका अध्यक्ष हर्क खडायाका अनुसार कार्यक्रममा गजल मुक्तक, र कविताहरु बाचन गर्ने बताइएको छ । कार्यक्रममा जिल्ला स्थित अग्रज गजलकार र नयाँ साहित्यिक सर्जकहरुले सिर्जना बाचन गर्ने अध्यक्ष खडायतले बताउनु भएको छ । आयोजकले कार्यक्रमको व्यापार समेत सार्वजनिक गरिसकेको छ । व्यानरमा जिल्ला स्थिति केहि सर्जकहरुको मात्र नाम अटाएको पाइएको छ ।

प्रतिष्ठानले सार्वजनिक गरेको व्यानरमा भेषराज बुढाथोकी, सौगात दिल साउद, सौगात शाह, बिक्रम साउद संजोग ,हिक्मत थापा,नरेन्द्र थापा,महेश जोशी, केशव बोहराको नाम मात्र अटाएको छ । यता लामो समय देखी साहित्यमा कलम चलाउदै आएका साहित्यका सुरेन्द्र शाही गुलाव कान्छो, मुक्तककार जश रावल जिज्ञासु साहित्यकार रिता शाही लगायत जिल्ला स्थित दर्जनौं साहित्यिक सर्जकहरुको नाम भने नअटाएको पाइएको छ । सो व्यानरमा एक जना महिला साहित्यिक सर्जक समेत अटाउन सकेका छैनन् । साहित्यमा कलम चलाउने थुप्रै महिला सर्जकहरु जिल्लामा हुँदा पनि यो व्यानरमा भने कोहि अटाउन सकेका छैनन ।

सुदुर साहित्य प्रतिष्ठानले सृजना बाचन कार्यक्रमको आयोजना गरेको भएतापनि जिल्ला स्थित अग्रज साहित्यकार केहि सर्जकहरुले असन्तुष्टि जनाएका छन् । जिल्ला भित्र कार्यक्रमको आयोजना हुँदा पनि जिल्ला भित्रकै सर्जकहरुलाई अपमान गर्ने तरिकाले कार्यक्रमको आयोजना हुन लागेको आरोप समेत लगाएका छन् । आफुलाई कुनै जानकारी नै नभएका कारण कार्यक्रममा सहभागी नहुने साहित्यकार सुरेन्द्र शाही गुलाफ कान्छोले बताएका छन् ।

यस अघि पनि विभिन्न कार्यक्रम भैरहदा सुदुर साहित्य प्रतिष्ठानले जिल्ला स्थित केहि साहित्यकारलाई मात्र समेटेर कार्यक्रमको आयोजना गर्दै आइरहेको उनको आरोप छ । यता सुदुर साहित्य प्रतिष्ठानले भने व्यानरमा सवैको नाम अटाउन नसकेपनि जिल्ला स्थित सवै सर्जकहरुले सिर्जना बाचन गर्ने दावी गरेको छ । प्रतिष्ठानले जिल्लामा कुनै विशेष अवसरमा बर्षको एक दुई पटक मात्र कार्यक्रमको आयोजना गर्दै आएको छ । ति कार्यक्रमहरुमा पनि हाल सम्म सवैको सहभागीता हुने गरेको पाइदैन ।