कोल्टी क्षेत्रमा चल्ने यातायातबाट ६ महिनाको अवधिमा १ लाख बढी राजस्व संकलन

सर्मिला रोकाया / काेल्टी बाजुरा : बाजुराको कोल्टी क्षेत्रमा चल्ने यातायातहरुको कारवाहिबाट १ लाख बढी राजस्व संकलन भएको छ । चालु आर्थिक बर्षको अघिल्लो छ महिनामा जीप, ट्याक्टर, मोटरसाइकल र ट्रकहरुलाई कारवाहि गरी १ लाख २१ हजार ५ सय रुपैयाँ संकलन भएको अस्थाई ट्राफिक प्रहरी पोष्ट पिलुचौरले जनाएको छ । सवारीका साधन चले संगै ट्राफिक नियमको उलंघनका घटनाहरु बढ्दा बढी सवारी साधन कारवाहिमा पर्ने गरेको ट्राफिक प्रहरी पोष्ट पिलुचौरका ट्राफिक प्रहरी धनबहादुर धामीले जानकरी दिनुभयो ।

उहाँले दिएको जानकारी अनुसार हाल सम्म कोल्टी, पिलुचौर क्षेत्रकामा २ सय ३ सवारी साधन कारवाहिमा परेका छन । विशेष गरेर हेल्मेट नलगाई मोटरसाइकल चलाउने, क्षमताभन्दा बढी यात्रु र सामान बोक्ने, रुट प्रमिट नभएका सवारी चलाउने, रातो नम्वर प्लेटमा यात्रु बोग्ने, सवारी चालक अनुमति पत्र लाइसेन्स नभएकाले सवारी चलाउने जस्ता नियम उलंघन गरिरहेका घटना बढेका पाइएको छ ।

ट्राफिक प्रहरी धामिले पछिल्लो समय जिल्ला प्रशासन कार्यालयले तोकेको भाडादर भन्दा बढी भाडा लिएर यात्रुलाई दुख दिने गरेको गुनासो समेत बढेको बताउनुभयो । यातायात ब्यवसायीहरुले यात्रु पुगेनन, कित पछाडीको सिटमा वस्नुहोस भन्दै तोकेको भन्दा बढी भाडा असुल्ने गरेको गुनासो बढेकोले यात्रुलाई बढी भाडा लिने गाडीको नम्वर सहित जिल्ला प्रहरी कार्यालयमा जानकारी गराउन अनुरोध गरिएको बताइएको छ ।